MAM instructor ten Muaythai international level Master leh instructor grading exam pass

Aizawl | December 7, 2020: Tunhnai khan Mizoram Muaythai master leh instructor ten international level grading exam ṭha takin an pass.






Khawvela Muaythai governing body lian ber International Federation of Muaythai Associations (IFMA) chuan India rama national body United Muaythai Association – India (UMAI) kaltlangin international level instructor’s grading webinar chu November ni 6-8, 2020 leh November ni 18-22, 2020 chhung khan a huaihawt.

Chu’ng zingah chuan Muaythai Association of Mizoram (MAM) tirhin heng mite hian training leh exam an chhim ve a, ṭha takin an pass a, IFMA leh Thailand sawrkar hriatpuina-in heng degree leh title te hi hlan an ni:
1. Samuel Lalrozama s/o Dr. Thangchungnunga, Dawrpui – Khan 15 (*Assistant Grandmaster*)
2. V. Lalmuankima s/o V.Kalkhama (L), Ramhlun – Khan 13 (Assistant Master- *Ajarn*)
3. Lalhlimpuia s/o Lalrinsangi, Zonuam – Khan 12 (Teacher/Professor – *Kru*)
4. Liansangpuii Renthlei d/o R.Thangṭhiauva, Zemabawk – Khan 12 (Teacher/Professor – *Kru*)
5. K. Lalramchhana s/o K.Lianzama, Dawrpui – Khan 11 (Assistant Teacher/Professor – *Pu Chuay Kru*)
COVID-19 vanga World headquarters aṭanga Grandmaster te rawn zin thei an nih loh vangin online-in Thai Grandmaster Dr. Chao kahhruaina-in webinar huaihawt a ni a. Amaherawhchu, a hmuna tihchilh ang tlukin an strict a, ni 6 aṭanga ni 8 chhung hian _“The importance of Nutrition for Athlete’s performance”_ presentation neih a nih bakah ni tin darkar 6 practical neih a ni a, uluk takin mimal tinte chezia chu an thlir a ni. Grandmaster-te pawh an fimkhur a, trainee tan pawh a hahthlak hle. Instructor-te hi mite zirtir leh entawn tur an nih angin mimal tinte chu an thil zir lai an tihdik hma chuan Grandmaster te hian an tihtir tlauh tlaih ṭhin a ni. 


Muaythai hi inhnek, inpet, kiuva innghawk leh khupa intauh theihna full contact game a ni a, combat sports zinga khawvela mite mit la berte zing ami a nih bakah self defence tan pawha ṭangkai em em a ni a. Hetiang degree sang hi martial arts dangah chuan black belt an tih ang kha a ni a, khan 10 (Red Mongkoon) hi 1st Degree black belt level a ni a, Khan  11 chin hi senior Teacher te an ni. Amaherawhchu, art tam tak aiin international level Promotion hi a har bik hle a, mi vaibelchhe chuang awmna India ramah pawh hetianga Khan 11 -15 chin thleng pha hi mi 140 vel chauh an la awm a ni.

IFMA hi _International Olympic Committee (IOC), Global Association of International Sports Federations (GAISF)_ leh _World Anti-Doping Agency (WADA)_ pawm/thawhpui a nih tawh angin November ni 18-19, 2020 khan United Through Sports (UTS) kaihhruaina-in instructor te hriat tur webinar pawimawh tak tak heng a hnuai amite hi neih chhunzawm a ni:
1. Becoming a successful change leader in your community through sport _[Huaihawttu – IOC youth leaders]_
2. Workshop on clean sport _[Huaihawttu: WADA & ITA]_
3. Workshop on Impossible and the Paralympics movement _[Huaihawttu: I’mpossible (IPC)]_
Tichuan, November ni 20-22, 2020 khan International Olympic Committee kaihhruaina-in heng webinar-te hi neih leh a ni a, instructor-te hian an chhim leh vek bawk:
1. Inconclusively, Equality & Non-Discrimination in Sport _[Huaihawttu: President, International Paralympics committee]_
2. Olympic Truth: Sport towards peace-promotion _[Huaihawttu: CEO, UTS]_
3. Sports as a human right _[Huaihawttu: IOC member]_
4. Millennials for the future _[Huaihawttu: President, Thailand Paralympic Committee]_
5. Self guarding youth & prevention of harassment & abuse _[Huaihawttu: UNESCO Chief of Youth & Sport]_
6. Fair play in Sport _[Huaihawttu: President, WADA]_
7. Athletes United: Power of the Athletes _[Huaihawttu: Alyce Wood, Olympian, Rio 2016]_
8. Sports Leaders United _[Huaihawttu: Head of Olympic Channel]_

Post a Comment

0 Comments