Kawlphetha-a bung thar kai nan nizung hmang siamchhuahna

Aizawl | November 7, 2020:  Nizung chakna hmanga kawlphetha siamah bung thar leh Mizoram History-a  chuang tawh tur chu tunhnai khan hawn  a ni.

Pu Zoramthanga hruai MNF ministry hmasaah khan, ‘Phuah chawp’ Peace bonus sum hmangin Natural Gas-based Thermal Plant Bairabi-ah alo bun tawh a, Mizoram ta liau liau Serlui B Hydel Project a peih hman bawk.

Covid-19 hripui leng karah kum 2 lek an sorkar chhungin, inthlan hma Mizoram mipui hnena an thu tiam (Election Manifesto) ‘Kawlphetha siam chhuah lamah Mizoram intodelh theih nan kawng hrang hrangin hmalak a ni ang’ anlo tih chu thenkhat an ti puitling leh der tawh tihna a ni.

Dec 4,2020 khan Power minister Pu R.Lalzirliana chuan, 2 MWp pe chhuak thei, Mizoram sorkar sum tum vek, cheng nuai 1400 ruahman, Grid Connected Solar Photovoltaic (SPV) Power Plant a hawng ta rup mai a, he Power Plant hi Mizorama nizung chakna hmanga kawlpetha siamna Power Plant hmasa ber a ni.

MNF ministry chuan, Vankal a 20 MW pe chhuak thei Solar Power Plant sak hna an thawh mek a, Saitual dai ah 5 MW pe thei din anla tum cheu a ni.

-Dingdi