MZU MSW gold medalist 2020 LP Vanlalnghaka

byH Zate — 0
Mizoram University (MZU) hnuaia Master of Social Works (MSW) gold medalist 2020 LP Vanlalnghaka kan belchiang.


MZU hnuaia MSW gold medalist LP Vanlalnghaka hi a thiante chuan LP emaw Nghaka emaw tiin an ko thin a,  LP Zodingliana leh Vanlalhmangaihi fapa niin, February 19, 1997 khan a lo piang.

Bazar veng, Lunglei-ah chengin an khawsa a, kohhran lamah chuan Mizoram Baptist Kohhran-ah an lawi a ni.

Nghaka te hi unau pahnih niin amah hi a upa zawk a, farnu pakhat a nei a ni.











Zirna lam:
1. Pawl 1 atanga pawl 10:
- Class 1 to 10 hi Sacred Heart School (SHS), Lunglei ah ka zir. Ka zir chhung hian first class ah ka pass tlangpui.Class 10 hi First Divisionah kum 2013 khan ka zir chhuak a.

2. Pawl 12:
- Pawl 12 hi Baptist Higher Secondary school (BHSS), serkawn, Lunglei ah kum 2015 khan First Division ah ka pass a ni.

3. Zirna sang zawk i zir leh i zirna hmun leh kum?
- Bachelor of Social Work (BSW) hi Higher and Technical Institute, Mizoram (HATIM), Lunglei ah 2015-2018 khan ka zir a. First Division a pass in Mizoram University hnuai ah Pathumna ka ni. Mizoram University ah Master of Social Work (MSW) hi 2018-2020 chhung in ka zir zo bawk a ni.

# I lehkha zir dan?
-Pawl 12 thleng kha chu ka vawng nasa a. BSW leh MSW ka zir chhung hi chuan Understanding in ka kal. A tlangpuiin class ah lecture ka ngaithla tha a, chung ka hriatthiam dan leh lehkhabu te rawn in Note ka in siam thin a. Heng ka note vawn/hriat te hi Fieldwork kan neih naah ka Practice thin a ni.

# Gold medalist i nihna (Subject) leh CGPA?
-Master of Social Work ah CGPA (7.420) neiin Gold medalist a ni.


Gold medalist ni tura i beih dan?
- 1. Master of Social Work kan zir tan tirh atang a a tawp thleng in Pathian kut ah ka zirlai ka kawl tir a.
2. Class ah explanation /lecture ka ngaithla tha a, chu mi mil chuan Library ah te kal in Note ka in siam thin.
3. Ka Note zir te chu Practical a thiam leh hman chhuah ka tum a. Fieldwork kan neih naah theihtawp in ka hmang chhuak thin.

Gold medalist ni tura i beihnaah faculty lamin an ṭawiawm/pui ṭha chein i hria em?
-Tanpui nasa khawp mai. MSW a faculty te an professional in an thiam em em a. Faculty te hi an inhawng in kan thiam loh lai a awm nih chuan min hrilhfiah turin an inring reng thin. Faculties thenkhatte nen phei chuan thian anga inkawm chang a tamin chung chuan kan zirna kawng indirect takin min pui a ni. Class an lak te hian Group Discussion te neiin kan ngaihdan te pawh min zahsak thiam hle.

I zirna atana i chhungte pawimawhna:
- Chhungte hian min tawngtaipui reng tih ka hria a; Ka hrisel nan te, ka taimak nan te leh ka hlohtlin nan te. Ka zirna a min pui tur in sum leh pai in min tanpui reng bawk a. Zirna lam a ti tha tur in min fuih nasa em em bawk a ni. Heng te vang hian ka zir chhung zawng hian ka chhungte hi an pawimawh em em a ni.

I zirna atana i ṭhiante pawimawhna:
- BSW leh MSW ka zir chhung khan ka thiante nen kan zir ho nasa a, kan tawnhriat te leh kan thiam zawng te inhrilh tawn a, chu chuan zirna kawngah thui takin min pui a ni.


I duhzawng leh ngainat zawngte:
Rawng - Black (rawng thim lam)
Chawhmeh  - Sa, artui leh dal
Incheina - Smart lampang
Rimawi – Soft Rock leh blues
Mizo Ziaktu zingah - Mafa hauhnar
Hla- Vanglaini by Rintea
Hla phuahtu - C Lalzarmawia
Teacher - Dr C Lalengzama, Mzu Asst Professor hian BSW ka zirlaiin Article publication Mizoram University hnuaiah min neihpui a thiam ka ti hle ni.
Leader - Mizo Zinga Social worker C Lalchhanzova, Cod Nerc (NGO) Director hi leadership a nei tha ka ti.

Mize ngainat zawng:
-Rilru tha, rintlak leh fiamthu ngai na mi

Mize ngai nat loh zawng - Thinrim hma leh mi chapo

Hobby- Inkhelh (TT, Badminton leh Football)

Relationship status - In relationship

Kawppui atan duhzawng:
- Rilru tha, mi puitling, mahni inenkawl thei leh nu leh pa leh chhungte hmangaihtu tur.


Zawhna dang:::
1. A tel lova i awm theih loh:  Inkhelh theih loh a niang😂😂😂

2. I nun kaihruaitu: Daily Devotion (Nitin a Bible chhiar leh Tawngtai)

3. Hringnuna i hlauh ber: Hmangaihte chan

4. I tih ngai miah loh tur: Ruihtheihthil leh zuk leh hmuam

5. Mizo Tualzal nuna ṭha i tih: Tlawmngaihna

6.  Quote i duh ber:
"Admire the beauty of Darkness. You might find the way towards light"
- Aheli Ghosh


7. Mizote tan 'Fa neih tlem' inzirtir hi a ṭulin i hria em?
- Kan chhungkaw dinhmunin a tlin phawt chuan Mizoramah chuan a ngaiin ka la hre lo.

8. Mizo hnam ṭhanmawh bawk nia i hriat?
- Corruption hi kan hnam thanmawh bawk lian ber niin ka hria!!


9. Mizo hnam damna atana  kawng awm nia i hriatte?
- Mahni mawhphurhna hlen leh mi chan ai laksak loh.

10. Zirna, Khawtlang leh Kohhran hi?
- Institution hrang hrang mi tin nun a pawimawhna lian tak nei vek an ni.

11. Khawtlang, Kohhran leh nangmah:
- Khawtlang leh kohhran hi ka Personality develop tu pawimawh tak a ni a. Aia upa zahna kawngah te, mihring nun hriatna kawngah te leh hnam zia hriat nan pawh a hluin a tangkai hlein ka hria

12. Social Media leh Nangmah:
- WhatsApp leh Instagram ka khawih nasa 😂😂, tunlai a an uar ang hi chu tih ve zel a awl.

13. Mizoram ṭhalai tam tak tlakchham:
- Taimakna leh Tum/ goal nei lo kan tam in ka hria

14. Mizo ṭhalaite hian ngaihsan tur dik an ngaisangin i hria em?
- Ngaihsan tur dik kan hre chho tan in ka hria.

15. Ngaihsan tur dik nia i hriat:
- Mi taima leh mahni kut ngeia ding thei.

16. Hlawhtlinna tura pawimawh:
- Pathian tih, taimakna leh thiam zawkte /zirtirtute rawn tam.

17. Hloh i hlauh ber: Mizo Christian Nun dan tha

18. Hnam dang nupui pasal neih hi:
- Ngaihdan siam a harin mimal duhthlannaah a innghat thui hle. Mizo hi chuan Mizo ngei hi nei thei se chu a tha.

I thalaipuite tan fuihna---
1. Taimakna nen a kan thiltihte tih hlohtlin tum.
2. Kawng engkimah 'A hmun leh hun hriat'
3. Thiante aia chhungte dah pawimawh nachang hriat.
4. Ngaihsan tur dik mahni kut a ding thei ngaihsan.
5. Thiambik nei tur a inbuatsaih
6. Thalaite phei chu kan la chak tha a, awmawl lai phei chuan Kut hnathawhte a mahni sum tur han tuak te hi a hlu hle ni.


EXPLOREMIZORAM.COM i hmuh dan:
- Explore Mizoram hi thalaite hmasawn dan pholangtu pawimawh tak pakhat niin ka hria. Kan hnam chawinungtu lo ni chho zel se. In kal zelna turah duhsakna ka hlan a che u.




Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)
Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post