COVID-19: Hri vei 15 hmuhchhuah belh; dam tawh mi 4008 tling tawh!

• Hri kai tamna ber Aizawl district-ah hri vei 63 awm mek!
• Siaha, Mamit leh Khawzawl district chu hri vei awm lohna district an ni rih.

Aizawl | December 24, 2020: Nimin khan Mizoram-ah  COVID-19 positive 15 hmuhchhuah belh a ni a,  dam tawh 19 in enkawlna hmun an chhuahsan.

Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 9, TrueNAT hmangin positive 0 leh  Rapid Antigen test hmangin positive 6 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4156 niin, dam tawh mi 3008 an ni a, enkawl lai mi 140 an awm mek a, nunna chan zat hi mi pariat an ni.

Hri vei hmuhchhuah tawh zingah hian Mipa 3057 awmin, Hmeichhia 1099 an ni.

Tun dinhmunah Aizawl-ah hri vei tam berin 63 an awm mek a, Lunglei-ah 34, Lawngtlai-ah 24 awm lehin,  Serchhip 4,  Champhai -ah 4, Kolasib 8, Hnahthial-1,  Saitual-2 an awm bawk a ni.

Siaha, Mamit, leh Khawzawl district chu hri vei awm lohna district an ni rih.

🔹️ZMC RT-PCR positive:
➡️Sihphir: Hmeichhia kum 31, CCC-a positive awmpuitu, symptoms nei lo
➡️Dinthar: Hmeichhia kum 46, positive contact, symptom nei lo
➡️ITI: Mipa kum 49, positive contact, symptom nei lo
➡️Rajiv Gandhi Govt. Quarantine Facility: Mipa 5, kum 25-39; Venghlui-1, Bawngkawn-1, Mission Veng-1 leh Silchar -2; State pawn atanga tun hnaia lo lut, quarantine mek, symptoms nei lo
➡️Hotel Orchid QF: Mipa kum 40, Saron Veng, Assam atanga lo kal, symptom nei lo

🔹️RAgT positive:
➡️Bawngkawn: Hmeichhia kum 50,Bawngkawn kiosk-a hmuhchhuah, symptom nei, kaina chhui mek
➡️Hunthar: Mipa kum 40, symptom nei lo, private hospital pakhata hmuhchhuah, kaina chhui mek
➡️Kolasib District: Mipa 3, kum 25-40, W.Bengal atanga lo kal, Vairengte Screening point a hmuhchhuah, symptom nei lo
➡️Mampui, Lawngtlai District: Hmeichhia kum 31, positive contact, symptom nei lo.

🔹️Sample test dan:
➡️ZMC RT-PCR: Aizawl - 300
➡️TrueNAT lab: Lunglei-57, Siaha-4, Mamit-23, Kolasib-20, Serchhip-24, Lawngtlai-48, Khawzawl-6, Saitual-5
➡️RAgT: Aizawl-349, Lunglei-62, Champhai-2, Mamit-83, Kolasib-130, Serchhip-12, Lawngtlai-41, Khawzawl-9