Hmeichhe naupang kum nga mi Hlimhlimi'n bike khalh!

Aizawl | December 16, 2020: Kum nga leh thla nga chuang hreta upa Lalhlimpuii Sailo (Hlimhlimi) leh a pain bike an khalh lai video a pa  Ngura Sailo-in Instagram lama a post chuan hluttu leh ngaihventu a ngah hle.


Champhai district-a Melbuk khaw naupang Lalhlimpuii Sailo hian bike hi amahin a khalh lova, a pain venpuiin a khalh a, mahse, kum nga mi lek tih atan chuan a pui hle a ni.

Lalhlimpuii Sailo hi  June 5, 2015 khan a lo piang a, a pa hi Ngurhmingliana Sailo niin, Champhai district a Melbuk khua-a cheng an ni.

a pa nena bike an khalh lai video



Lalhlimpuii Sailo pa chuan, "Bike khalh hi amah hian a tui lutuk rih lova, mahse khalh tura ka tih hi chuan a mood ah a awm nghal em em a," a ti a.
"tlan chak a hlau meuh lo, he lai tak hi buaithlak thin. Accelerator te hi a phur lutuk leh muang ti lutuk hi a lo pump leh thut thin a. Inring renga awm a ngai," a ti a.

Ngura Sailo chuan, "ka ring em em a, ani pawhin min ring em em bawk," tiin a sawi a ni.

Motor an tawh loh chuan a pa hian balance a puia a khalh deuh reng. Mahse, Km hnih khat-ah a ning zela rei chu a khalh thei/peih meuh lo thin niin a pa hian a sawi bawk.


A pa chuan, "Pathian zara dam chuan racer nih tir ka tum bur a, ka nu leh pate hian min support lutuk lo mai theia mahse ka tum deuh bur." a ti a. "keimah hi ka chhungten min tuipui lova, a ruka tel thin ka ni a, ka tluan loh pah fo bawk,  ani chu tun atang ka tih pui anga a tuia race tel te a duh chuan full support..." a ti bawk.

Hlimhlimi pa Ngura Sailo hi Champhai Distric Motkraport Association (CDMA) Motocross rider a nia, Champhai a Mizoram open event an huaihawt (2014) ah  khan a vawikhat nan tel vein 3na a ni a. Chuta tang chuan tui chhoin Mimsa lamah a inlan chho ta a, mahse, vanduaina a tawh fo vangin trophy erawh a la hum haw lo. Dimapur (Nagaland)event ah te kalin a inlan ve tawh a, event hi a vaiin vawi 6 vel a tel tawha a chhungten an thlap loh vangin a ti chhunzawm thei ta lo a ni.

Heti a nih tak avang hian kumin atangin Circuit, onroad lamah a tui thar a, mahse, "race hi chu tel leh emaw luhchilh chu ka la tum fan a,  ka aim in life pawh racer ala ni reng e." tiin a sawi a ni.


Founder/Editor
Explore Mizoram



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



EXPLORE MIZORAM
email: admin@exploremizoram.com

Post a Comment

0 Comments