Aizawl | December 16, 2020: Aizawl Tui lakna, lei hipna leh kawlphetha tel lova tui lakna atana an lo hman thin Serlui A leh a chhehvel hmun hi a nuam em em a, mi tam takin thlalak nan leh khawpui nun tawt lutuk ata hahdamna atan an hmang nasa hle a ni.
Serlui A an khuahna thlen hma deuh-ah hian Dilmawi a awm a, helai phei hi chu tlawhtu a ngah hle a. Nun tihthawven nana nilen nan bakah zan riaka hun hman nan an hmang nasa hle.
Winter Camp : Exploring Serlui A (Dilmawi)
Reiek kawngah kalin tlawng thlen hma-ah vei lamah a peng a, kein darkar khat dawn kal a ngai a, Serlui A tui lakna pipe lian tak tak inzam ruih mai chu kawng tha tak a ni a, inkalpawhna tha takah a chang ta a ni.
A bikin kumin hian Lockdown leh hripui vanga nunphung a khaihlak lai hian thalai tam takin an bawh nasa hle a ni.
Thianhova riah chhuah nan an hmang nasa hle a, kan kal ni pawh hian thianho mi 15 vel chu hlawm hrang 4 velin an riak haw lam an lo haw ve mek bawk a.
Chhuak lam an awm ang bawkin riak lut tur mi 10 vel an awm bawk a ni.
tuikhawhthla atangin an uaithla
A bul leh a vel a nuamin a boruak a zangkhai a, a vawt raih bawk a, riaka hun hman nan duhthusam a nih tluk zetin chhuna len nan bakah thlalak nan pawh hmun tha tak a ni bawk a. Adventure lama tui tan lah uaithlakna tur tha tak a awm bawk a, kan zuk en chhin nia kalte pawh hi an uaithla nghe nghe a, an video hi kan dil angin min lo thawn ve nghe nhe a ni.
He hmuna riaklut leh kal thin thalaite hian faina an ngai pawimawh a, an hnu leh hnawk an tifai a, hal theih chu an hal nghal zel a ni.
Nang pawh, i kal ve a nih pawhin tibaltu ni lovin tifaitu i ni zawk dawn nia.
An thlalak hlu tak mai min thawntu Muansanga leh B Lalruattluangi te thianho chungah kan lawm takzet a ni.
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
Post a Comment
He post chungchanga i ngaihdan lo sawi ve rawh: