Congress ṭhalaiin hripui vanga mipui harsatna sutkian nan ruahmanna siam turin Governor leh CM ngen

Aizawl | December 3, 2020: Congress ṭhalai chuan hripui vanga harsatna tawk mipui tana harsatna sutkianna tur ruahmanna siamsak turin Mizoram Governor leh chief minister hnenah vawiin khan ngenna an thehlut.

Mizoram Pradesh Youth Congress Committee chuan COVID-19 hri leng avanga Lockdown, Containment etc avanga Mizoram chhunga nitina eichawp zawng, kut hnathawktute, lirtheia eizawng, sumdawng te leh a dangte harsatna tawh mek hi a nasat lutuk tawh avangin Mizoram sawrkar hian ruahmanna siam sak rawh se tiin Mizoram Governor leh Mizoram Chief Minister hnenah vawiin chhun khan lehkha an thehlut.




MPYCC-in Mizoram sorkar-ah hian thil chi hrang hrang an phut a. Chung zingah chuan, Kut hnathawk/Nitin eichawp zawng te tan hian Krismas hmain ni 15 hlawh ang hu tal cheng 7500 in tanpui rawh se tih leh Lirtheia eizawng, Loan rul mek te tan an Loan rulh lai thla khat Installment hu tal sawrkarin tum sak rawh se, tih te a tela.




Hemi bakah hian, 'Commercial Vehicle ten Transport Department a chhiah an chawi hi 50% tal awl sak rawh se, Sumdawngte an inhawn hleih theih loh avanga nasa taka hlauh mek te tan dawrluah man thla 2 tal tum sak rawh se  tih leh mi hnuaia Motor khalha inhlawhfa te hnenah hian ni 15 chhung inhlawhna cheng 7500/- pe rawh se, tih pawh a tel a ni.

MPYCC aiawha lehkha hi MPYCC President Dr Lalmalsawma Nghaka chuan Governor Secretariat-ah a thehlut a, MPYCC general secretary R Lalhmingmawia chuan hming a ziak a ni.

1 Comments

He post chungchanga i ngaihdan lo sawi ve rawh:

  1. Kei poh mirethei ei chop zawng ka nia a tha lutuk ka ti miharsa tan chain Ava lom om dawn em

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post