Champhai Officers' Club in mi harsate tanpui

Aizawl | December 21, 2020: Champhai Officers’ Club (COC) chuan kum danga an lo tih tawh thin angin vawiin khan Krismas leh Kumthar pualin Champhai khawpui chhunga mi harsa zawkte leh Home-te tan luanchhuahna hun an buatsaih a. Hemi rual hian Chief Minister's Discretionary Grant 2020-2021 kaltlangin Home hrang hrang hnenah tanpuina pawisafai an sem chhuak nghal a ni.


COC Member-te hi thuang 4 ah insemdarhin an che chhuaka, Home pahnih Mazuia Memorial Home (TNT), Vengthlang North hnenah Rs 10,000/-, Immanuel After Care Centre, Bethel Veng hnenah Rs 5,000/- leh mimal thlanchhuah 7 te hnenah tanpuina sumfai Rs 5,000/- theuh, avaiin Rs 50,000/- an semchhuak a. Kumin lockdown tir lam March Ni 31,2020 khan Home thlan chhuah 4 ahte tanpuina pawisafai, avaiin Rs 50,000/- an lo sem chhuak tawh bawk a ni.

Vawiin vek hian Chief Minister's Discretionary Grant 2020-2021 atanga Rs 20,500/- dawn chu DC Office kaltlangin District Hospital Champhai leh Home hrang hrang 7 ahte an semchhuak bawk a ni.

Champhai Officers Club hi kum 1992 a din niin, tun dinhmunah member 100 bawr vel an awm mek a ni. Champhai Officers’ Club hian pawl member-te sum thawhkhawm kaltlangin mamawhtu leh tanpui ngaite puiin  an lo fehchhuak  fo tawh thin a ni. 

- DIPR

Post a Comment

0 Comments