Car chesual-ah mi pakhat boral

Aizawl | December 26, 2020: Tukin dar 8 vel khan Thenzawl leh Buarpui inkarah car (Getz) a chesual a, Pi Rodinliani (Te-i), Thenzawl chu a hmunah a thi niin thu dawnna chuan a tarlang.


He car-ah hian mi 5 chuangin, boral ta tih loh hi chu midang erawh ngaihtuahawm khawpa hliam an awm lo nia thudawn a ni.

Car chsual hi MZ 01 D 9154 niin, a chhe hneh hle niin tarlan a ni bawk.

An chetsualna hi Thenzawl leh Buarpui inkar, Tlawng lei chhak, Thenzawl lam, niin, Thenzawl aṭanga Km 20 vel kawng thlangah a ni a. Getz Car MZ 01-D-9154, a neitu Pu Imanuel Lalremruata'n a  khalh a ni.
An tlan liamna hi kham awih meter 60 vela sang a ni.
An chetsualna-ah hian Rodinliani (Te-i), Pu Lalnunthara nupui, Thenzawl UPC Veng chu a hmunah a boral nghal. 

Car ah hian mi panga (5) chuangin, Driver hi a tirah nikhaw hrelova awmin, Thenzawl CHC a lak nghal a ni a, hliamna lutuk tuar lovin, ngaihtuahawm a ni lova, Car hnunga chuang mi 3 te pawhin vanneihthlak takin hliam na an tuar lo bawk. Motor hi a chheh hneh hle a, Tlawngah hian tukin zing khan tihtur pawimawh a kal niin, an haw lam helai kawng chho deuh, kawng kual zau laiah hian an chesual ta a, Car hi a chhe hneh hle a ni
         Pi Rodinliani hian a pasal leh a fate 5 a kalsan a, a ruang hi zaninah lumenpuiin, naktuk chawhma dar 11 ah vuiliam a ni ang.

With Input from - Vantawng Newspaper

Post a Comment

0 Comments