Aizawl City College Joint Students' Union in Assembly hmang

Aizawl | December 15, 2020: Aizawl City College Joint Students' Union (ACCJSU) chuan vawiin khan MZP Conference Hall-ah Graduate Gold Medalist chawimawina leh, ACCJSU Assembly an nei a, Mizoram Legislative Assembly Deputy Speaker Er. Lalrinawma chu Khuallian niin, zirlaite fuihna thu a sawi.

ACCJSU (Aizawl City College Joint Students' Union) Assembly cum Gold Medalist chawimawina hunah hian MZP aiawha thusawitu Pu Ricky Lalbiakmawia NESO Fin. Secretary chuan fuihna thu sawiin, ACCJSU hruaitute chu ram leh hnam nghahfak an nih zia leh rinawmna nena hmalam pan zel turin a chah a, buai tak chunga result tha tak an nei theite chu fakin, a tawpna ni lova a bul tanna atana an tun dinhmun hi hmang turin duhsakna a hlan bawk.