Aizawl | December 8, 2020: Nizan bawr vel khan Chhinga veng, Aizawl-a Zonunsang Handloom building chu a kang.
Kangmei chhuak hi a nsa hle a, bungrua leh thil hlu a kangral hnem hle niin thu dawn a ni a.
Thu buatsaih lai thleng hian mihring nunna chan emaw hliam tuar an awm hriat a la ni lo.
Nizan dar 8 vel khan Chhinga Venga Zonunsang Handloom building, Dr. Zohmangaiha in mi dawr bungrua dahkhawm nana an hman chu a kang a, mihring thi leh hliam an awm lo.
In kang hi chhawng rukna, chhungkaw 34 ten dawr bungraw dahna kudam atan an hman a ni a, bungrua engmah chuh hman lohin a kang chhe vek a ni.
Dawr bungraw dahna kudamte hi thingzai leh rangva hmanga pindan a nih hlawm avangin kangmei hi a kal chak niin thudawn a ni.
Thudawnnain a sawi danin kang mei chhuah zan dar 8 hnu lawkah fire department thlengin darkar 2 chhung vel kang thelh a nih hnuah thelh mih a ni a. He mi hnu hian fire department hian cement sa lutuk vengin hun hun engemaw chen an la awm chilh bawk. He kangmei chhuahna chung leh hnuai te a him a. Tukin hian Chhinga Veng Local Concil leh YMA, Police te kaih hruaina hnuaiah dawr neituten an dawr kang hi enfel an tum a ni.
Post a Comment
He post chungchanga i ngaihdan lo sawi ve rawh: