VIRTUAL ANTHURIUM FESTIVAL 2020 TAN

Aizawl, the 10th November 2020: Mizoram Sorkar chuan boruak rip tak karah mipuite rilru chhawk zangkhai nan Virtual Anthurium Festival 2020 a buatsaih. Mizoram-a a hmasa ber atan Tourism Department chuan ni 2 awh Virtual Anthurium Festival chu vawiin atangin an huaihawt a, a ni khat na ah Chief Minister Pu Zoramthanga chu khuallian niin Pu Robert Romawia Royte, Tourism Minister chu khualzahawm a ni.
Virtual Anthurium Festival hawnnaah ah Chief Minister Pu Zoramthanga chuan he kut huaihawt ani chu lawmawm a tih thu a sawi a. Kum danga Tourist Resort Reiek a hlawhtling taka lawm thin kha kumin ah chuan a him thei ang ber leh huap zau bawk si a lawm a lo ngaih tak thu a sawi. Anthurium par hi kan ram ina kan lak luh chawp nimah sela, tun dinhmunah chuan Mizoram thil thar khaihlak miah lova State pawn a kan hralhchhuah awmchhun anih mai bakah kumhluna par anih avangin eizawnna tha tak a nih thu a sawi bawk. Mizoten hetiang khawpa kan hmingthatpui leh hlawkpui Anthurium pangpar chu kut a chan fir anih tak thu leh mipui ten an hlut ve ngei a beisei tih thu a sawi.
Tourism Minister Pu Robert Romawia Royte chuan Covid-19 boruak kara Tourism Department lamin hmalakna a neih chi hrang hrang a tarlang a, zin veivah leh mipui punkhawm tun dinhmunah a rem loh avangin media partner hrang hrang LPS, Zonet, DDK te leh social media Youtube, Facebook leh Instagram kaltlangin livestream a ni ta a ni a ti.

Pi Esther Lai Ruatkimi, Commissioner & Secretary, Tourism Department in thuhmahruai sawiin he programme hi Ministry of Tourism, Government of India in a bik a festival hmanna min pek anih angin a thei leh remchang apiang ten mahni in lum atanga lo thlir theuh turin mipuite a sawm.
A ni hnihna ah hian Pu T.C Pachhunga, Vice Chairman, Sports, Youth Services & Tourism Development Board chu Khuallian turah beisei a ni.
Tourism Department chuan Sorkar in SOP a chhuah bawhchhe lovin he Virtual Festival hi a bautsaih a, Mizorama kan zaimi lar tak tak te leh band ten mipui an awih bakah traditional costume show te leh hnam lam te en theih in an siam a ni. He kut hi kum dangah chuan October tha fir a neih thin ni mahse kan hun tawnin a zirloh avangin November thla ah boruak ngaichang reng chunga huaihawt a ni ta a ni. Virtual Anthurium Festival 2020 hi TV leh Social Media lamah thlirtu pawh an thahnem hle.
Kum dang ang bawkin kumin pawh hian he Festival hi Sawrkar Laipuiin in he Kut atana sum a ruahman atanga buatsaih a ni. 

- DIPR

Post a Comment

0 Comments