Mizoram Home Secretary-in MHA Joint Secretary (North East) hnenah Assam & Mizoram Driver-te Joint Resolution a thawn

Aizawl, the 5th November 2020: Mizoram Sawrkara Home Secretary chuan Silchar Truck Drivers' Association leh Zoram Drivers' Association ten Joint Resolution an siam angin, Mizoram leh Assam inkara lirthei tangkhang te tluang tak leh him taka an kalna tur state-te an pan theih nan, Central Armed Police Forces (CAPF)-in venhimna an pek theih dan tur Mizoram leh Assam state sawrkar te inrawnin, ruahmanna siam ni se, tiin Joint Secretary (North East), Ministry of Home Affairs hnenah lehkha a thawn.

Mizoram Home Secretary chuan Mizoram atanga Assam lama kal tur motor tangkhangte chu Assam nena ramri thlengin CRPF venhmina hnuaiah panpui an inhuam thu hrilhin, chutiang bawkin Assam sorkar pawhin Mizoram lam kal tur motor tangkhang zawng zawngte chu, Silchar Mizoram House Compound-a ding mekte zawng zawng pawh, CAPF venhimna hnuaiah Mizoram ramri thleng panpui an nih theihna tura ruahmanna fel tak siam ve se tiin MHA Joint Secretary (NE) hnenah a thlen a ni.

- DIPR