Chutia kan ṭhenawm Assam in ramri hmun 5 lai a min block takah chuan CM ruahmanna angin oil, tuialhthei, nitin mamawh eibar lakluhna tur kawng ngaihtuahin Bairabi-Zamuang-Kanhmun lamah MPWD chu a siruk la in kan thawk chhuak a. Bairabi leh Teirei Lei inkar, 7km hi a chhe zual a. Truck full load zawh tur chuan Teirei leh Langkaih Lei te tihchak (strengthen) an ngai bawk.
PWD Division 5 - Kawrthah Div, Mamit Div, Kolasib Div, NHD-I leh NHD-V ten kan khawl neih hrang hrang : JCB - 5 nos, 912 LPK Tipper - 5 nos, Static Road Roller - 2 nos, Mini Tandem Vibratory Roller - 3 nos, Pik Up Truck - 2 nos te kan vawm khawm a.
Tuna kawngchhuat chhe vek tawh 2.5 km roll ngheh nan chuan Static Road Roller, che muang bawk si, upa tawh bawk si chu an hmantlak tak taklo tih hria in -
1. Pu Tlanmawia, Kolasib Hmar veng chuan Soil Compactor 2 nos chu 'ramin min mamawh phawt chuan' tiin a rawn thawh a, ama Trailer thoin a hmunah a rawh dah thlap a, Haiva Tipper lian 1 no a la rawn dah tel cheu.
2. Pu Ropuia, Vaivakawn pa, Teirei kam a New Age Brick Industry (NABI) neitupa pawhin a JCB thar hlak leh Tipper a rawn hnatlan tir a, a ni phei chuan diesel kan thun sak pawh a duhlo.
3. Pu Sangliana, Saikhawthlir pain a Tipper truck hmangin a rawn hnatlang ngat ngat bawk.
4. Dr. Amuana, Mizo zinga bridge expert kan neih chuan Teirei bridge thawm that hna chu 'ram leh hnam' tiin naktuk atangin a rawn hnatlang dawn bawk.
In zavai a chungah PWD in lawmthu kan sawi a, Mizoram sawrkar aiawh pawhin lawmthu ka sawi e.
-Lalthan Zuala, Sr. EE., Mizoram PWD
Nov 1, 2020
Post a Comment
He post chungchanga i ngaihdan lo sawi ve rawh: