KAN INHMANGAIH TLAT A LAWM LE!

- Lalmuansanga Khiangte

Bangalore-ah Mizo nula a thi a. A ruang ramri kan pui theih a ni lo. Agartala-ah thlawhnain tumpui a ni a. Agartala Mizo ten rawn hruaiin, Kanhmun thalai ten a ruang hi Langkaih luiah Maupum-in PPE nen kan pui a ni a. A ruang chuan amah hmangaihtute hnen a thleng ngei ang.

Heng thalai rualte hian hlawh cheng khat mah an phut lo. Pek tum pawh ni se an la hek lo ang.

Meghalaya State-ah Covid 19 avanga thi hmasa ber kha a ruang a vakvai a. A pawi ngei mai. Mizoramah Covid 19 avangin boral a awm ve ta a. An veng ten mawi takin an thlahliama Zoram mipuiin kan tawrhpui tak zet a nih kha.

Ramri-ah buaina a awm a. Vairengte thalaite thlavang hauhvin zoram hmun tina thalaite fuan khawm kan tum a. Sawrkar hruaitu atanga civil zuin thlengin ramri pan kan tum a.

Kawng kan siam tha a, kan hnatlan pui a. Lei kan siam tha a, a part pe turin hla tak atangin Mizo tlangval hlawh phut lovin a kal vang vang a.

Veng thenkhat containtment zone-ah an puang a. Kan lainat tlang em em a, kan inhnem liam liam a.

Vairam hmun tam takah Doctor-te an thinhrik laiin, kan mizo doctor-te erawh kan zah a. Kan ngaisang em em a. Covid 19 damlote enkawltu phei chu an tan kan tawngtai bang lo a nih hi.

Assam ramri an ping a. Burma, Tripura, Manipur, Assam, Bangladesh lama zofa unauten kan thlavang hauhvin min tawng thlamuan a.

Thenawm ten an nghei ai chuan kan insem tlang hreh lo vek.

Sumdawng pamham tlem, tawng duhtui lo tlem, mi mawl tlemte, mi duham tlemte te chanchin hi kan hre nasa lutuk a. Kan hnam nuna mawi tak hi a mawi lo ta emaw kan ti lek lek ta a ni e. Mi ram, mi hnam hi tha bik riau anga ngaih kan ching erawh sim a tha.  America ram inthlang nawi leh chhangchhiat ve zia te hi en ila. Kan chhe ber lo a nia.

Heng zawng zawng hi a chhan dang a awm lo. Krista zarah "kan in hmangaih tlang tlat a lawm le." #Mkhiangte

( A ziaktu zah tak chungin social media a darh, he thuziak hi kan dahlut a ni.)