FEATURING: Hoineihat Khongsai




Mizo Nula music video a mawi taka intheh zaih zaih mai 'Hoineihat' chu mi tam takin hriatchian an chak avangin kan belchiang e.


Hoinei emaw Hatnu emaw tia koh thin Hoineihat khongsai hi (L) Thangminjoy khongsai and Neijalam Haokip te fanu niin, Khongsaiveng,Imphal-a awm niin, tunah hian Hmarveng, Churachandpur-ah chengin an khawsa a ni.
Hoineihat khongsai  hi November 4 2001 khan a lo piang a, fit 5'5 a sang a ni a. An unau hi pathum niin a upa ber a ni.

Kohhran lamah KCC (kuki Christian Church) a lawi an ni.


Hoineihat khongsai  hian kukin 2020 hian Don Bosco Higher Secondary School atangin class 12 a pass a. Tunah hian BA 1st year Lamka college, New Lamka ah correspondence in a zir mek a ni.




Modelling lam hi i tui em?
- Modelling lam hi ka tui zawng tak ani a, hun țha pek ka nih chuan ka bawh pelh hauh lo ang.


Tun hmain MV ah I lo inlan tawh thin em?
- Mizo nula music video hi ka lan na hmasa ber a ni.




•Keimah senes leh tlumtea MV a i lo inlan/chan dan?
- Tlumtea nen bik hi chuan kan in hriatna a la rei lo ang reng a. Mahse Keimah Senes nen hi chuan kan in hriatna a rei tawh hle a, Churachandpur a Zomi Nam Ni a zai tura a rawn kal ațang khan kan inhmelhriat țan a ka țhian țha tak a ni bawk a, 'U Senes' tih hlirin ka ko țhin. A hla pakhat lar deuh "Saw nu saw a hmel a țha" tih pawh kha Churachandpur lamah pawh a lar hle. Hun eng emaw chen hnuah a hla Mizo Nula atan khan model turin min rawn sawm a, ka lo aw ve mai a ka tui na zawng tak anih avangin. U Senes-a chungah pawh hun țha min pek avangin ka lawm em em a, lawmthu ka sawi tak meuh meuh bawk a ni.


• MV a inlan chu nuam i ti em? Inlan zel i tum/duh em?
- Mizo Nula kha ka music video lanna hmasa ber anih avangin ka zam em em mai a, mahse shooting neih chhung zawng khan nuam ka ti hle. A theih chuan music video dangah pawh lan leh zel ka duh.


• Acting lam hi i tui em?
- Acting lam hi ka la ti miahlo a mahse tih ve chhin chu ka chak thei khawp mai.


A duhzawng leh ngainat zawngte:
Rawng - Red, black, purple leh baby pink
Chawhmeh  - Thlai hring, arsa, bawngsa, paneer, etc.
Rimawi – Genre duh bik pawh ka nei lo ka ngaithla deuh vek
Ziaktu - Loiusa May Alcott
Hla - Han duh bik em em pawh ka nei si lo a thlan harsa ka ti 😆
Hla Phuahtu - Taylor Swift
Incheina - A hun leh hmun a zir a inchei hi țha ka ti a, thawmhnaw hak nuam lampang hi ka ha tlangpui. Chuan incheina hian mi a chawi nung ka ti hle bawk. Dresses, jeans, hoodie, shirts pawh ka duh. Shoes pawh a pawiawh.


Mize ngainat zawng:
- Mi in ngaitlawm, nel awm, a eng zawng a thil thlir țhin, rintlak, mi țanpui hreh lo, mi zah thiam leh mi ambivert deuh.

Mize ngai nat loh zawng:
Inla fing, midangte teh reng, midang zahna chang hre lo leh mi duham.


Hobby-  Zai, lam, lehkhabu chhiar, ride, mi biang biak leh zin kual vel hi nuam ka ti.
( Coffee ka ngainaa, zan rei a thil ei mai mai, in dress up, mut, tui chen, drama leh movie en te nuam ka ti bawk.)


Relationship status - Single

Kawppui atan duhzawng:
- Min hrethiam tu, cool deuh, zaidam, zai thiam leh a chang a mi tibuai peih deuh 😂, fing leh rilru pa deuh. Hmel leh taksa ka en vak lo 😂.


Zawhna dang:
• A tel lova i awm theih loh: Ka phone, ka bag ka thil mamawh zawng zawng ka dah khawmna leh pawisa 😂

• I nun kaihruaitu: Beiseina

• Hringnuna i hlauh ber:
- zanlai a zawhte hram vak vak ri leh thihna.



Mizo tualzal nun a ţha i tih:
- Manipur a piang leh sei lian ka nih avangin Mizo society bikah hian hriat ka nei tlem em em a. Mahse ka zir chian deuh hnu ah "Tlawmngaihna" hian Mizo society ah hmun pawimawh tak a chang tih ka hre chhuak ani. Mahni duh zawng leh chak zawng mai bakah mahni țhatna tur dah țha a midangte tan leh khawtlang tan a in pek a, mi harsa leh rethei zawk te țanpui țhin hi ropui ka ti em em a. YMA leh mizo organisation hrang hrang te hmalakna te hi kan en thei ang a, țhalai te fuih tu leh entawn tur țha tak pe tu an ni bawk in ka hria. Chuanin chhungkua a fapa naupang berin ro a khawm țhin pawh hi kan sawi tel thei ang. Ka ngaih pawimawh em em pakhat chu Zo-fate hian unau kan ni tih hi hria ila in pumkhat leh zai i rel ang u. Tunlai ka țhalaipuite hian kan Chin-Kuki-Mizo history an hre tawh lo em em mai a. Unau kan ni tih pawh an hre tawh mang lo tih ka hriat hian a chang chuan ka rilru a na țhin hle a ni. Mizoram sawrkar mai bakah NGO hrang hrang te hian hma la se, kan history te hi zirlai bu ah te ziakin kan zirna in hrang hrang ah te hian zirtir ni se Zo-fate tan hian in pumkhat leh pawh a awlsam phah ngawt ang.

Quote i duh ber : "Be fearless in the pursuit of what sets your soul on fire."

Mizote tan 'Fa neih tlem' inzirtir hi a tulin i hria em?
- Ka ngaihdan ah chuan family planning neih hi a la țul hrih lo. Mizoram a ni emaw Mizoram pawn a Zo-fate chenna ah pawh ni se kan population a la tlem si a hnam dang ho ngaihtuah in. Mizoram ah chuan Mizo te hi majority ni mah ila kan population hi tih tam zel a kan ram neih ang chhun chhun hi awp beh a, ta neih reng theih hi țha ka ti hle dan lo a lo pem lut te lak a kan him reng theih nan.


Khawtlang, kohhran leh nangmah:
- Ka zirna leh chhan hrang hrang vangin kohhran leh khawtlang ah hian ka in hmang tam lo hle a. Mahse la mihring țhan len chhoh zel nan an pawimawh em em avang hian țhalai te tan a environment țha, an zirna mai bakah an nih duh zawng leh chak zawng te tih hlawhtlin theihna khawtlang kan neih theih hi ka duh a. Chumi hlawhtlinna atan pawh  chuan kohhran hi a pawmawh ka ti hle. Pawn ka chhuah tam vak loh avang hian mi ka kawm tam vak lo a, mi introvert ve tak ka nih avangin ka hun awl hnawh khah nan ka phone ka hmang tlangpui. Mahse ka theih ang tawk tawk a khawtlang tan a in hman hi ka tum ve țhin.


Social Media leh nangmah:
-Ka hun awl tam zawk hnawh khah nan heng social media platform hrang hrang facebook, whatsapp,instagram, etc. te hi ka hmang tlangpui a. Social media hian țhatna leh țhat lohna tam tak a nei a. Țhenkhat in sum hai luh nan te an hman laiin țhenkhat tan chuan hun khawh ral na mai2 te ania.Tunlai tleirawl leh rawlthar te hian social media hi an hmang khawlo nasa hle a. Zing kan tho a phone kan khawih nghal a, nilengin social media ah hun kan han hmang a, hei hian a țha lo zawngin kan rilru lam leh taksa lam a nghawng a nei nasa thei em em a ni. Internet leh social media network te hi awm lo se kan phone hi kan khawih nasat em em pawh ka ring miah lo. Țhalai te hian thiam tak a social media hman hi kan zir angai ka ti hle.Facebook ah chin-kuki-mizo(chikim) group tih keima manage hi a awm a. Chumi group in a kan tum ber chu khawvel pum huap a zofate tan a in pawh tawnna leh in hriat tawnna hmun siam a, kan in unauna ngai pawimawh a kan in zawm khawm leh theih nan a theih tawp chhuah ani.


Hlawhtlinna tura pawimawh:
- Consistency (kan thil tih apiang  consistent deuh a tih zel), mahni inrintawkna leh chakna, kan thil tih tum chiang tak a zir chian, thawhrimna leh țawngțaina.

I nun a hloh i hlauh ber: 
- Ka identity, ka chhungkua, ka inrintawkna leh ka thawmhnaw te.


Zofate inpumkhatna hi a tak a thlen theih i ring em?
- Zofate inpumkhatna hi hruaitu țha tak tak te han nei ila, pakhat angin thawk ho se a tak ram kan thlen theih ka ring. Tunah hrih chuan chibing politics vangin kan la inpumkhat hlei thei lo chu a ni a, hetah tak hian kan hruaitu te hi an pawimawh ka ti hle. Inpawm thiam tawnna hi a pawimawh em em a, kan chibing rilru paih a mahni in dah pawimawh viau lovin kan lo tihsual tawh te in ngaidam tlang ila, hmalam hun thlir zel a kan in pumkhat leh hi a hun tawh tak zet ani. Naktuk zing ni chhuak kan hmuh leh theih nan vawiin ah i thawk ang u. Thisen a in zawm kan ni si a. ✊


Hnam dang nupui pasal neih hi:
- Mi țhenkhat tan chuan hnamdang nupui pasal a neih hi a pawilo pawh an ti mai thei a, mahse ka ngaihdan-ah chuan kan hnam pui ngei neih hi a țha ka ti. Kan hnam nunphung leh zia rang te hi kan chhawm nun zel a pawimawh em avangin kan hnampui ngei neih hi a țha ka ti. Chikim (Chin+Kuki+Mizo) hmeichhia țhenkhat kawl, vai leh hnamdang mipa pasal a nei a an pasal te ram a awm, an pasal te leh an pasal chhungten an tih duh dah, enkawl țhat loh leh zah loh nasat chungchang hi sawi tur a awm zeuh zeuh țhin a. Hetiang tuar kan hnampui hmeichhia te hi ka khawngaih tak zet. Kan hnampui nula tlangval fing, fel leh hmelțha tak tak an tam tawh em em lai a hnamdang lo neih na chhan tur hi kei chuan ka hre lo😌.


EXPLOREMIZORAM.COM i hmuh dan
EXPLOREMIZORAM.COM hi information leh news lak khawmna atan a țha tak a ni a. Kei pawh anmahni vang hian ka ngaihdan leh ka thil lo vei țhin tam tak ka sawi chhuah theih phah a, chumi mai bakah chuan mahni inrintawkna min siam belh nasa hle a an chungah ka lawm em em a ni. EXPLOREMIZORAM.COM hi mipui te tan a chanchinthar thlentu țha leh rintlak lo ni zel turin duhsakna ka hlan bawk e.


Founder/Editor
Explore Mizoram



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments