CHINA IN 'SECRET MICROWAVE PULSE WEAPON HMANGIN INDIA SIPAITE A BEIH THU PUAN A NI

Nov 19, 2020 Nilaini: India leh China sipaite kumin fur laia Eastern Ladakh hmuna nasa taka an inep lai bawr vel khan China sipai lam hian Electromagnetic weapons an hmang ngei nia hriat a ni. Silai leh ralthuam hman khap anih avangin India sipai hnawhdarhna hmanrua atan dan bawh chhia anga lang si lovin he hmanrua 'microwave weapon' hi an hmang ta a ni,tih thu Chinese professor Jin Canrong chuan a sawi.





Chinese sipaite hman  'microwave weapons' hi motor ațangin thil ri bengchheng leh ri ring tak an ti chhuak a, chu chuan India sipaite tan natna leh  chauhna a thlena, loh theih loha hmun him lama an insaseng a țul phah a ni, professor hian a sawi.  


Professor Jin Canrong sawi zel dan chuan he _electromagnetic weapons_ hian hmelma sipaite taksaa tihrawlah  khan lumna  nasa tak ava pe a microwave oven chhunga ang maia boruak lum a pe chhuak a, chu chuan an taksa leh tihrawl chhunga tuisik leh tuiril lam awm kha a va chhum lum a ni. Chumi avang chuan India sipai te chu an chau a, an luak ta bawrh bawrh a ni, tih thu  international studies expert Jin Canrong chuan Beijing ah a zirlaite hnenah a sawi.  


He hmanrua microwave weapons hian ei rawngbawlna atan hman țhin microwave oven in boruak lum leh sa tak a ti chhuak ang tho hian ri hmang hian mihring taksa chhunga tuiril awm (water molecules) ah lumna a va thlen a, chu chuan hmelma sipaite awmna lam chu ava bitum ta chat chat a, chu chuan mel chanve aia hla (0.6 miles) bial chhunga hmelma sipai awmte taksa chhunga tui leh tuiril lamah hna a va thawk ta a ni. 


Prof Jin sawi zel dan chuan  Chinese sipaite hian silai leh ralthuam dang puak thei  hmang hauh lo leh dan bawh chhe si lovin 'mawi takin' India sipaite chu an awmna ațanga hnawh darh leh hnawh kir an nih thu a sawi a ni. 



Hei hi hmelma beihna leh Indona hmuna microwave weapons hman leh hriat vawikhatna ani. 
  


 The Times in a sawi dan chuan, he hmanrua hi India leh China sipaite ram ria June 15 nia an inhelnuai chiam țum, India sipai pawh 20 lai thah an nih hnu August thla tawp lamah khan Chinese army te hian an hmang a  ni. Kum 53 hnua nuclear ralthuam nei ram pahnih ten indo an hnaih ber lai leh kha inkhuainuaina kha indona hmun sang ber a ni bawk, tih thu The Time hian a ziak bawk. 
 

 China in he ralthuam  microwave-style weapon hi hmelma sipaite hnawh darhna atan a August 12 hnu khan a hmang ngei a, a lema entir India sipai 
țhenkhat leia bawk hrui hruala veh lang hi China 
ralthuam  microwave weapon a hming *Poly WB-1* hman vanga hetianga awm ngei nia hriat a ni. China hian he a ralthuam  'microwave' weapon, *Poly WB-1* hi kum 2014 khan air show ah a lo pho chhuak tawh a ni. 



Hetiang ralthuam ang chi hi  US pawhin neiin _Active Denial System_ tih a nei a,   Afghanistan ah țum khat kum 2007 lai khan a chhawp chhuak ve a, mahse hmang loin a hnuk kir leh ta a ni. He microwave weapons hna thawh theih dan leh eng tiang takin nge mihring te chungah hna a thawh pawi theih chungchang hi ziak hmuh leh  hriat tur a tam lo hle a ni . 



Source :

Mailonlin
November 17, 2020 
@ 20:46 GMT 

====19==11==20===
Huna Kawlni Kawlvawm

Post a Comment

0 Comments