MZU M.Tech (Electrical Engineering) Gold Medalist 2020 F Vanlalhriatpuia

Mizoram University (MZU) Master of Technology (Electrical Engineering) Gold Medalist 2020 F Vanlalhriatpuia kan belchiang.

CGPA 8.55 score a Mizoram University (MZU) Master of Technology (Electrical Engineering) Gold Medalist 2020 ni thei F Vanlalhriatpuia hi hriata tia koh thin a ni.

F Vanlalhriatpuia hi  Lalthlengliana Fanai leh H Lalhualsangi te fa pathum zinga milai niin, January 31, 1992 khan a lo piang a. Tunah hian Saikhamakawn, Aizawl-ah chengin an khawsa a, BCM Tlangnuam, Aizawl-ah an lawi bawk.

Zirna lam:

1. Pawl 1 atanga pawl 10 khawiah nge i kal? eng zatna nge i nih thin, pawl 10 pass kum ?

- Pawl 1-3 JH Lorrain Academy, Tuikhuahtlang, Aizawl ah ka ka kal a, ti tha pawl ni ve thin in 1-na leh  2-na te hauhin distinctionah ka pass chho char char ve thin ani. Pawl 4- 8 Mount Carmel School lut in 2nd leh 3rd division ah pass chho ve a, pawl 8 phei chu chhuak zo lovin kum 1 repeat in Providence High School ah ka zo ani. Pawl 9 leh pawl 10 Alma Hr. Sec School Khatla ah ka zir a,HSLC hi kum 2009  ah 2nd division ah ka pass.

2. Pawl 12 hi khawi atangin nge i pass? chuan, engah nge, a kum nen?

- 2010-2011 ah pawl 11-12 hi Govt Chaltlang HSS ah PCM combination laiin ka zir a, damlo chungin HSSLC ka exam a, ka pass zo lo a. 2012 ah  MIPOGRASS Coaching Centre ah ka kal a, private in HSSLC hi ka exam a,  3rd ah ka pass.

3. Zirna sang zawk i zir leh i zirna hmun leh kum?

- 2012 kum tirah B. Sc (Physics) Shillong UCC ah kalin, dam lohna vangin ka ban san a. MZU ah School of Engineering and Technology ah Electrical Engineering batch hmasa berah lutin B.Tech (EE) 2012-2016 first division in CGPA 6.72 in ka zir chhuak a, 2018 M.Tech zirna MZU an hawn veleh 1st batch a lut leh in Electrical Engineering hi ka zir zawm leh a, 2020 ah distinction in ka zir chhuak a ni.

# I lehkha zir dan:

- PG chinah hian lehkha zir dan thlak in, a tawp a zir vak lovin course tan tir tang lehkha nitin darkar 1 te te in ka zir chho a, class a ka lecturer sawi re re hi ka notebook ah ka ziak thla vek zel a, hei hian a hnu ka revise leh in min pui em em ani. Lehkha zir tur chuan notebu neih that hi a pawimawh em em a, ka notebu hi uluk deuhin ka siam piah lamah B.Tech atanga ka notebook ka la dahtha vek ani. MZU day scholar a kal ka nih vangin classroom leh campus ho leh kal lamah taksa hi alo chau ve thin a, inkhawm a ti harsa em em thin ani. Monday to Friday class han kal tluan chuan Saturday leh Sunday hi taksa leh rilru rest nan ka hmang thin ani. Pathian leh inkhawm hi kan ngaipawimawh a tul rual rualin, zirlai kan nih lai chuan lehkha zir hi kan rawngbawlna chi khat ani tih hria hre tlatin theihtawpin kohhran ah pawh in hmang lovin lehkha ka zir a ni.

# harsatna I hmachhawn dan?

- Tet te tanga mi hrisel lo tak mai ka ni a, hei hian ka zirna hi min tibuai nasa hle a, pawl 8 leh pawl 12 ka repeat phah a, phai lam pawh awm lehkha zir thei lovin 2016 ah Hyderabad-a coaching ka kal bak hi Mizoram pawn ah lehkha zirin ka chhuak lo.

# Gold medalist i nihna (Subject) leh CGPA?

- M.Tech (Electrical Engineering), CGPA-8.55

Gold medalist ni tura i beih dan?

- 1st leh 2nd semester hi muang mar in lehkha ka zir a, a tir atang lehkha hi thlahthlam lovin nitin darkar 2 tete ka zir thin ani. 3th semester ah ni khatah darkar 5 vel ka zir thin a, 4th semester tih lai phei chuan thawh hlim zing dar 5 atanga zan mut dawn dar 11 thlengin Computer hmaah project tiin ka thu ve reng thin a. Exam te hnaih lai phei chuan ni khatah darkar 2 bak ka mu ngai lo. Hemi bakah hian ka lehkha zir leh ka project tih lai hi Pathian hnenah ka hlan tlat a, lehkha ka zir hian Pathian hnenah thiamna leh finna ka dil nasa hle a ni.

Gold medalist ni tura i beihnaah faculty lamin an ṭawiawm/pui ṭha chein i hria em?

- Faculty te hian min pui tha hle a, anmahni vangin he dinhmuh hi ka thleng thei ka ni.

I zirna atana i chhungte pawimawhna:

- Ka chhungte hian ka zirna hi min tui puiin, an theihtawpin min tawiawm a, MZU a zing a chhuak leh zan a thleng ka nih vangin in lamah pawh ka tangkai nep hle a, heng zawng zawng ah hian min hrethiamin lehkha ka zir theih nan min awl nasa hle ani. Ka result tha tak pawh hi anmahni min pui na zarah a hril lian hle mai.

A duhzawng leh ngainat zawngte:

Rawng – Grey

Chawhmeh  - Ei ngaina mi ka nia, khawlvel a eitur hran hran ka ei kual vek duh a, tiang a duhbik ka nei hran lo.

Incheina – Casual dress

Rimawi – Music

Mizo Ziaktu zingah – Mafaa Hauhnar

Hla- Coldplay-Paradise

Hla phuahtu -  Michael Jackson

Teacher – Tun ami leh tun hma a ka zirtir tu zawng zawng

Leader – Mother Teresa

Mize ngainat zawng – Mi frank leh rinawm

Mize ngai nat loh zawng – Mizia inthup leh mahni nihna anga lang ngam lo.

Hobby – Dog owner, Piano, PC gaming, Cooking, Photography, Drawing

Relationship status - Single

Kawppui atan duhzawng:

– Pathian tih mi, chhungkua ngai pawimawh leh mi rinawm.

Zawhna dang:

1. A tel lova i awm theih loh: Computer, mobile leh internet  (finna bulpui kan hmuhna)

2. I nun kaihruaitu: Ka nu leh pa, kohhran leh bible

3. Hringnuna i hlauh ber: Pathian kal san a kawng zawh sual

4. I tih ngai miah loh tur: Dawt sawi

5. Mizo Tualzal nuna ṭha i tih: Tlawmngaihna

6. Quote i duh ber: Trust no one but God and yourself

10. Mizote tan 'Fa neih tlem' inzirtir hi a ṭulin i hria em?

- Mizo kan la tlem em em a, family planning hi thil tul leh tangkai niin ka hre lo.

11. Mizo hnam ṭhanmawh bawk nia i hriat?

- Kan thil tih naah hian a tawp thleng a beih hi kan harsat em em ani.

12. Mizo hnam damna atana  kawng awm nia i hriatte?

Thawhrimna , rinawma leh taihmakna 

14. Zirna, Khawtlang leh Kohhran hi?

- Zirlai tan chuan khawtlang leh kohhran a inhman hi chintawk thliar thiam a ngai hle.

15. Khawtlang, Kohhran leh nangmah:

- Khawtlang leh kohhranah zirlai ka nih avangin inhman pawh a harsa hrih.

16. Social Media leh Nangmah:

Social media hi finna leh thiamna tam tak chher chhuah na bul a nih rualin, hun khawh ral a awl em em a, khawih tam lo hian mi a pui mah zawk ani.

17. Mizoram ṭhalai tam tak tlakchham:

Kan thil tih naah beidawng leh peihlohsan thin a, tawp thleng a thil tih tumna kan neih lo.

18. Mizo ṭhalaite hian ngaihsan tur dik an ngaisangin i hria em?

- Zirna lamah emaw, sumdawngna lamah emaw, eng hobby pawh nise exercise etc a Result ringawt hi kan en leh ngaisang a, awlsam deuh a zawh leh neih hi kan tum a. A kawng/process harsat zia hi kan chhut chiang hma in kan ti tan a, kawngah harsanta kan tawngin kan beidawng leh thin ani.

19. Ngaihsan tur dik nia i hriat:

Thil tihna reng reng ah a Result ringawt ngaisang leh en lova a step/process hi kan ngaisang leh zir chaing a tul hle.

20. Hlawhtlinna tura pawimawh:

Taihmak leh beidawng loa bei fan fan.

21. Hloh i hlauh ber: 

Nunchang tha hloh

22. Hnam dang nupui pasal neih hi-

Mizo chuan mizo nupui/pasal ngei nei thei sela chuan thil tha ber ani.

I thalaipuite tan fuihna:

- Kan thil tih naah theihthawp chhuah piah lamah hlawhchhamna kan tawn in beidawng lova kan rilru kan tih huaisen hi thil har tak ania, he hlawhchhamna zara huaisena hi kan nu leh pate leh kan zirtirtute hian mi zirtir tlem hle a, ti tha turin min nawr leh beisei ringawt zel a, school ah nise fail leh tih that lo a in fuih lovin in hrem hi kan uar nasa hle a, heng hi zirlaite tan zirna tui lohna tham a tling hle. Class 8 leh 12 ka fail a ka repeatin ka thianten min zirsan ka hmuh in hrehawm ka ti em em a, chumi rilru chu min phuarbettu a hmang lovin min tichaktu ah ka hmang ta sauh sauh ani.  B.Tech zir laiin harsa ka ti em em a, back paper nei pawn min ti beidawng ngai lovin harsa ti chung chung in beidawn nan a hmang lova min ti chak tu a hmang in a hun pangai (4 years) ah ka chhuak thei ani. Hlawhchhamna kan hlauh avang hian kan thiam zawng leh tih chak tam tak te hi kan ngam lo phah thin a, hei hian kan thalai creativity leh practicality min limit em em ani. Hlawhchham hi kan nuna kan la tawng vek tur ania, hei hi beidawng nana hmang lovin min ti chak tu a hmang zawkin huaisen tak leh Pathian ko chung zelin hringnun i zawh tlang ang u.

- H Zate

Founder/Editor

Explore Mizoram

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

FB: https://www.facebook.com/exploremizoramportal

Twitter: https://twitter.com/exploremizoram

Instagram: https://www.instagram.com/explore.mizoram

(Website leh a hnuaia fakna hi lo hmet ve rawh.)