COVID-19: Positive 40 hmuhchhuah belh; Serchhip district-ah hri vei an pung?

  • Aizawl district-ah hri vei 305 awm mek!
  • Siaha district chu hri vei awm lohna district an ni rih.

Aizawl | November 22, 2020: Nimin khan Mizoram-ah  COVID-19 positive 40 hmuhchhuah belh ani a, dam tawh 46 in enkawlna hmun an chhuahsan.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 14, TrueNAT hmangin positive 18 leh  Rapid Antigen test hmangin hmuhchhuah positive 8 an ni.

Tun dinhmun-ah Mizoram a hri vei hmuhchhuah tawh zawng zawng hi mi 3647 niin, dam tawh mi 3157 an ni a, enkawl lai mi 485 an awm mek a, nunna chan zat hi mi panga an ni.
Hri vei hmuhchhuah tawh zingah hian Mipa 2710  awmin, Hmeichhia 937 an ni.

Tun dinhmunah Aizawl-ah hri vei tam berin 305 an awm mek a, Lawngtlai-ah 57 awm lehin, Serchhip 45, Lunglei-ah 20,  Mamit-ah 14, Khawzawl -15, Kolasib 14, Champhai -ah 10, Saitual 4,   Hnahthial 1 an awm bawk a ni.
Siaha district chu hri vei awm lohna district an ni rih.

Nimin zinglama sawrkar thuchhuah-ah chuan Aizawl-ah hri vei tam berin 327 an awm mek a vawiin-ah erawh hmuh belh awm chungin 22 in an kiam a 305 an ni mek a, Lawngtlai hi nimin khan 55 awmin, vawiinah 57 an ni thung. 
Serchhip hi nimin khan 29 an ni a, tukinah erawh 45 an ni dawrh a, 16 in an pung a ni. Lunglei-ah 18 a nih laiin vawiinah 20 an ni a,   Mamit-ah 17 atangin 14 ah an tla a, Khawzawl -15, Kolasib 14, Champhai -ah 10, Saitual 4 ten ngai awhin,   Hnahthial 2 kha pakhatah an tla ve a ni.

💠ZMC RT-PCR positive:
➡️Dawrpui: Mipa kum 11, positive contact, symptom nei lo
➡️Bethlehem: Mipa kum 9 & 39, positive contact, symptom nei lo
➡️Thuampui: Hmeichhia kum 46, positive contact, symptom nei lo
➡️ZMC Staff: Hmeichhia kum 26, frontline worker, positive contact, symptom nei lo
➡️Quarantine lai: 9- mipa 8 & hmeichhia 1, kum 21-54. An zinga 6 hi 90 Bn BSF mi leh sa, RAY Falkland-a quarantine lai niin symptom nei 2 an awm. Pioneer Camp, Thingsulthliaha awm positive 1 leh Delhi atanga lo haw mi 2 (Bawngkawn S & Durtlang Mel-5) hian symptom an nei lo.

💠TrueNAT positive:
➡️Lunglei: Mipa kum 42 & 43, 2nd Bn MAP, Luangmual, Lunglei mi leh sa, Bihar Election Duty-a kal lo haw, symptom nei lo an ni.
➡️Serchhip: 16- Mipa 15 & hmeichhia 1, kum 24-33. Hmeichhia hi Delhi atanga lo haw quarantine facility-a awm, symptom nei a ni a. Mipa 15 te hi Bhartia Company hnathawk, Assam atanga lo kal, quarantine lai, symptom nei lo an ni.

💠RAgT Positive:
➡️Mamit: Mipa kum 27 & 42, 4th IR Luangpawl mi leh sa, Bihar Election duty lo haw, symptom nei
➡️Lawngtlai Council Veng: Mipa 1 & hmeichhia 4, kum 16-65, positive contact, symptom nei 3 leh nei lo 2.
➡️Bazar Veng: Hmeichhia kum 37, positive contact, symptom nei lo.

💠 Sample test dan:
➡️ZMC lab: Aizawl-469

➡️TrueNAT lab: Lunglei-49, Champhai-1, Kolasib-31, Serchhip-37, Lawngtlai-25, Khawzawl-3, Saitual-2, Hnahthial-19

➡️RAgT: Aizawl-161, Lunglei-31, Siaha-2, Champhai-12, Mamit-45, Kolasib-98, Serchhip-2, Lawngtlai-52, Khawzawl-1, Saitual-9, Hnahthial-3

Post a Comment

0 Comments