COVID-19: Positive 3 hmuhchhuah belh; Enkawllai mi 381 awm mek!

  
  • December-ah 5000 a tlin ring!
  • Aizawl district-ah hri vei 177 awm mek!
  • Hnahthial district chu hri vei awm lohna district an ni rih.

Aizawl | November 30, 2020: Nimin khan Mizoram-ah  COVID-19 positive 3 hmuhchhuah belh ani a, dam tawh 15 in enkawlna hmun an chhuahsan.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive -lab tihthianghlim avangin sample test a awm lo,  hmuhchhuah a nia, TrueNAT hmangin positive 0 leh  Rapid Antigen test hmangin positive 3 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 3826 niin, dam tawh mi 3440 an ni a, enkawl lai mi 381 an awm mek a, nunna chan zat hi mi panga an ni.
Hri vei hmuhchhuah tawh zingah hian Mipa 2823 awmin, Hmeichhia 1003 an ni.

Tun dinhmunah Aizawl-ah hri vei tam berin 177 an awm mek a, Lawngtlai-ah 84 awm lehin, Serchhip 59, Lunglei-ah 21, Champhai -ah 18, Kolasib 7, Mamit-ah 6, Khawzawl -5, Siaha 3 leh Saitual 1 an awm bawk a ni.
Hnahthial district chu hri vei awm lohna district an ni rih.


RAgT Positive
Vaivakawn: Mipa kum 18, 23 & 46; chhungkua an ni a. Pa ber Private hospital pakhata inentir tura kal, screening naa positive tih hriat a nih hnuah a chhungte test leh niin a fapa te 2 hi an lo positive ve leh a ni. Symptom an nei a, hri an kaina chhui mek a ni

TEST ZAT:
TrueNAT lab: Kolasib- 36 , Serchhip- 33, Lawngtlai- 38, Saitual- 2
RAgT: Aizawl- 18, Champhai- 5, Mamit- 38, Kolasib- 108, Lawngtlai- 9, Saitual- 31

Post a Comment

0 Comments