COVID-19: Hri kai enkawl dam mi 59 chhuak; Hri vei zat diklo tidik!

Aizawl | November 30, 2020: Vawiin tlai dar 5 thleng khan COVID-19 vei enkawlna hmun hrang hrang atangin mi 59 an chhuak a ni.

Heng dam tawh mi 59 chhuak ta te hi Serchhip atangin 29, Lawngtlai atangin 12, SRHF-ZMC - 5, Khawzawl - 4, Lunglei - 2, Mamit - 2, BSUP - 2, Home Isolation - 2 leh Kolasib - 1 an ni.



Sawkar thuchhuah tarlan danin, CMO Champhai atanga thu dawn danin November Ni 19, 2020 khan Champhai District-ah Covid-19 Positive hmuhchhuah thar mi 6 an awm.

New case report-ah hmuhchhuah thar 1 aiah CCC a awm lai repeat test +ve hming report tel palh a ni.

Hemi kalzelah hian report diklo palh a awm tih hriatchhuah niin vawiin hian tihdikna siam a ni.

Tun dinhmun-ah Mizoram a hri vei hmuhchhuah tawh zawng zawng hi mi 3825 niin, dam tawh mi 3499 an ni a, enkawl lai mi 321 an awm mek a, nunna chan zat hi mi panga an ni.
Hri vei hmuhchhuah tawh zingah hian Mipa 2822 awmin, Hmeichhia 1003 an ni.

Tun dinhmunah Aizawl-ah hri vei tam berin 164 an awm mek a, Lawngtlai-ah 72 awm lehin, Serchhip 34, Lunglei-ah 19, Champhai -ah 17, Kolasib 6, Mamit-ah 4, Khawzawl -1, Siaha 3 leh Saitual 1 an awm bawk a ni.
Hnahthial district chu hri vei awm lohna district an ni rih.

Post a Comment

0 Comments