Thenzawl dai-ah Sumo chesual; Pahnihin nunna chan

Aizawl | November 25, 2020: Nimin  Tlai dar 4:45 vel khan Thenzawl to Aizawl Sumo Service TBC Sumo chu Thenzawl dai-ah chesualin mi pahnihin nunna an chan.

Sumo chesual a chuang  zinga tlangval pahnih Lalthanchuanga kum 18, Pi Thanchungnungi fapa Thenzawl vengthlang leh B Rosangzuala kum 19, B Sangzika Thenzawl venghlun te chu Thenzawl damdawi in panpui an nih hnu lawkin an hliam tuar lovin an boral.

An ruang hi nizan khan tlaivar pui an nih hnuin vawiin dar 11 ah vui an ni ang. 


He Sumo accident hi service lai ni lo, thil ṭul dang vang a inkhalh chhuak nia thu dawn a ni.

An chetsualna hi Thenzawl khaw luh tawn tirh  Hmarlam kawtchhuah bulah  niin, kawng thlangah tlan liamin, a thlang kawr Dil hlui tui awm tawh lohnaah thlawk thla in an chesual a ni.


Nimin tlai khan TBC Tow Sister Sumo MZ 06/6940 Pu B Lalzarmawia Thenzawl Model veng Maxi cab, Driver Mafela khalh chu, Thenzawl Tourist Lodge bul, Pu R Laltanpuia In bulah kawngthlangah a tlan liam a, Maxi Cab-a chuang tlangval pahnihte chu Thenzawl CHC panpui niin, CHC thlenpui an nih hnuah Tv B. Rosangzuala kum 19 s/o B. Sangzika Thenzawl Venghlun leh Tv Lalthanchuanga Kum 18 s/o Zohmangaiha Thenzawl Vengthlang te chu an hliam tuar lovin tlai dar vel 5:00 khan an boral.

Nimin tlaia Maxi cab chesualah hian mi 7, naupang 2 leh puitling 5 an chuang a. Pu K Lalrinthanga Thenzawl Venghlun ramchhuak khama chesual ngaihven tuma kal an ni. Hmanhmawh taka tlan an ni a, motor dang nena an intawk chu chesualin vanduaina hi an tawk ta niin thudawnna chuan a tarlang.

Hliamtuar dangte hi ngaihtuahawm lutuk an nilo niin thu dawnna chuan a sawi.

Khama che sual Pu K Lalrinthanga chu in lamah dah tawh niin, TBC Maxi cab chesual hnukchhuak a Thenzawl Maxi cab owners Association an hnatlan dawn avangin vawiin hian Thenzawl Maxicab Service a awm dawn lova, mipuite hriatthiamna an ngen a ni.

Post a Comment

He post chungchanga i ngaihdan lo sawi ve rawh:

Previous Post Next Post