Zofate Pathian Biak inpui hmun laih hna zo tep; khawvel entawn tur leh khawvel tana eng tur Hnam ropui chu buatsaihin a kaitho mek a ni - Zaichhawna

Aizawl | October 10, 2020: Zoram Thar hmalaknaa sak tur Zofate Pathian Biak Inpui hmun tur chu hnatlanga laih a ni a, vawiin thleng khan an lai zo tep tawh.

Hnatlang hi Thawhlehni atang khan a thawh riat-na tan a ni a. JCB pathumin tha 12 sengin an thawk a. Vawiin October 10, 2020 khan Zofate Pathian Biak inpui sakna tur chu laih zawh tep a ni ta.


Hnam Biakinpui hmun laihna tur hian sum awmsa awm lovin amah Biakinpui neitu Pathian rinchhanin (Jehovah Jireh) a Hnam Hnatlang neih thin a ni. Thenzawl JCB neituten tha sawm lai sengin an hnatlang a. Pathian leh a hmanrua ni tura inpete chungah Zoram Thar hruaitute chuan thinlung takin lawmthu an sawi tih thu kan dawng. Hnatlang hi
Mizoram leh ram Pawna Lalpa Lal ram tana inpe Zofaten JCB hmanna tur thawhlawm an rawn thawh hmanga chhun zawm zelin tunah hian mi 140 hnen atangin Hnatlang thawhlawm a lut tawh a. Zoram JCB tha 46 sengin Hnam HNATLANG hi thawh tawh a ni.

 

Rev. Dr. Zaichhawna Hlawndo chuan, "Pathianin Zofate thinlungah hna nasa takin a thawk zel a, khawvel entawn tur leh khawvel tana eng tur Hnam ropui chu buatsaihin a kaitho mek a ni," a ti a. "Khawvela Biakin Lian ber Lalpa Thlarau Thianghlim Lal berna tur, Khawvel hnam zawng zawngte damna hmun satu, neitu leh puithiam rawngbawlna hna thawk tura Lalpa hnam thlante kan ni hi kan vannei takzet a ni," a ti bawk.

Post a Comment

0 Comments