YMA ITI veng branch Nghah loh Library

Aizawl | October 23, 2020: Aizawl khawpui chhunga veng pakhat ITI veng i kal chuan kawn lai taka thut hahchawlhna tur awm-ah 'Nghahloh Library' lo awm chu i hmu ang.
YMA ITI veng branch in an buatsaih 'Nghahloh Library' hi a remchang hle a, veng lun lai taka dah an ni bawk nen hmang tangkaitu pawh an tam hle nia hriat a ni.

He nghahloh library chhungah hian a bula kal leh thu-ten an duh duha an chhiar  theih turin Lehkha tha tak tak dah a ni a, miin an chhiar a, an dah leh mai thin  a ni.
A chhunga lehkhabu chhiar turin hian vengchhung mi nih kher a ngai lova, Library-ah member nih a ngai hek lo. Helai hmunah hian i kal a, i thu chawl a, i chhiar duh a  nih chuan la chhuakin i chhiar thei. Mahse, dah leh erawh i tih ngei ngei turi a ni!

He Nghahloh Library a dah atana lehkhabu thawh duh tan pawh thawh theih reng a ni a, inthlahrung hauh lovin a bawmah hian dah mai theih a ni.

He Nghahloh Library hi a bula kal, bazar leh taxi chang ten an hmang tangkai hle a, chawlh hahdam pah a lehkhabu chhiar tur awm chu hlu ti an tam hle a ni.
He Nghahloh Library-ah hian lehkhabu 30 an dah thu ITI veng YMA president Lalniliana Hauhnar chuan exploremizoram.com a hrilh.
Lalniliana Hauhnar sawi danin, Nghahloh Library hi August 1, 2020 chawhnu khan sawi a ni a. Lehkhabu chhiar hlutna hria a, hmang tangkai turin a bul vela kal thinte a sawm bawk a ni.
YMA ITI veng branch-in Nghahloh Library an kalpui thei hi an fakawm takzet a, thalaite lehkhabu chhiar kawnga fuihna tha tak a ni. Tin, hetia pawnlera duh duha lakchhuah mai theih-a lehkhabu an chhawp thei hian 'lehkhabu ruk ching' an kawl ve loh zia te pawh a tilang awm e.

Thalaite tana remchanna siamsak zawnga heti anga hmalakna hi intihhmuh a, kalpui zel chi ni pawhin a lang a ni.



Founder/Editor
Explore Mizoram



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments