MCO in ramri chungchangah inlungrual turin mipui sawm

Aizawl | October 23, 2020: Mizo Cultural Organisation (MCO) General Headquarters, Mizoram Aizawl chuan Mizoram leh Assam Ramri buai avanga hun harsa kan tawh mekah hian Mizoram mipui zawng zawngte lungrual taka ke pen turin an sawm. 

MCO chuan thuchhuah siamin, "Mizoram leh Assam ramri huaina avanga kan unaute zinga hliam tuar an awm hi pawi a ti takzet a, Mizoram Sorlcar pawhin mahni nunna thap a ramri humhalh nana penchhualcte leh hliam tuarte chhawmdawlna a pe dawn niin kan hria a, lawmawm kan ti hle." an ti a.



MCO General Headquarters chuan, "Mizoramin ramri buai avanga harsatna kan tawk thin chu lungchhiatthlak a tiin pawi a ti takzet a, hetiang harsatna hi kan ramin hun lokal zel turah pawh a tawh fo lohna turin Mizoram Sorkar chak tak chu ramri buaina chingfel ngei tur hian a ngen tak meuh a ni. Tin, kan ram, Mizoram ramri diktak humhalh a nih theih nana nasa taka tha leh zung senga hma la thin, Mizo Zirlai Pawl (MZP) leh NGO dangte kan fakin kan chhuang takzet a. Mizoram ramri diktak humhalh anih theih nana tuna latute leh Mizoram Sorkar chu a tawp thlengin kan thlawp zel dawn a ni.' tiin an thuchhuah-ah chuan an tarlang.

Kan ram, kan hnam, kan sakhua leh kan hnam ziarang (Culture) te vawnghim zel turin Mizoram mipui leh ram danga Zohnahthlak awm zawng zawngte lungrual taka hma la ho zel turin MCO General Headquarters, chuan an sawm a ni.


Post a Comment

0 Comments