Aizawl | October 29, 2020: Zanin dar 6:30 - 7:00 inkar vel khan Selesih Vety College Quarters (Canteen bul) building chhawng 5 a sang chu a hnuai ber aṭangin kangmei a chhuak a, hliam na tak tuar an awm a, ṭhelh mih tawh a ni thung.
He Quarters hi chungkaw 6 luah a ni a, a hnuai ber atanga kâng a nih avang hian a chung lam luahte pawh an tlân chhuak hlei thei lo a, tukverh atanga zuang chhuak te pawh an awm. Bungrua a kang chhe lutuk hman lo nain inchung kalpawhna leilawn a kan nasat avangin tlanchhuahna a ti buaithlak hle thung niin an sawi.
Chhawng hnuai ber luahtu, an pa ber chu a thawmhnaw hâk lai nen a kâng a, chhawng thumnaa College Dean Peon(Hnamdang) chu a fanu kum 3 mi nen an infiam laiin mei alh hian a man thut a, nu ber hi chhawng hnuai lamah a awm bawk si avangin naupang hi a kang na hle a, a dam chhuak zo lo tura ngaih a ni a, Durtlang Hospital ah kalpui niin khawtlang pawh YMA Hall a vui turin an in ralring hial tawh a ni.
Mizo tlangval 1 tlân chhuah tum, thei leh si lo chu a tlân luh leh tumna lamah a kâng bawk. Vai 3 leh mizo tlangval 1 kâng tuar an awm niin an sawi a, an vai hian damdawi in panpui nghal an ni. In kan chhan hi Current Short(Short Circuit) vang niin an ring ber.
- - David Sailo
Post a Comment
He post chungchanga i ngaihdan lo sawi ve rawh: