Ramri chungchangah MSU in CM an hmu; ramri buaina chungchanga MSU ngaihdan an hrilh

Aizawl | October 18, 2020: Mizo Students' Union (MSU) General Headquarters, Aizawl hruaitute chuan vawiin khan Chief Minister Pu Zoramthanga hmuin, ramri-a buaina chungchanga MSU ngaihdan an hrilh.

Phuldungsei VC area, Thaidawr tlanga Shiv Mandir sak tumna dang tura President Pu Vanlalliana Khiangte hova an kal thu leh nizana Emergency meeting neih thute, Vice President Pu J. Lalmuanzuala hova Vairengte khawdai leh Saihapui 'V' a buaina chhuak chu khaw hrang hrang MSU hruaitute nen an awm chilh thu te an hrilh.

Ramri a buaina kan neih thin leh tunhnua buaina awm theite chingfel turin Directorate of Border Protection and Development Department din tul MSU in a tih thu an thlen a, Inter-State Boundary ah Outpost changtlung zawk leh police tam zawk dah a tulna thlen a ni bawk.

Indo-Myanmar border lamah Free Movement Regime dan Ministry of Home Affairs-in phalna a pek tawh chu Inter-State border buaina awm thin avanga Mizo mipuite'n eibar leh nitin mamawh lamah harsatna kan tawh thinte tih reh nan a rang thei ang ber hman vat MSU in tul a tih thu a sawi chu CM chuan Cabinet Meeting pawhin an ngaih pawimawh thu a sawi.

Inter-State boundary hmun hran hran buaina vanga Mizo kut tuarte leh huan thlai suasam tawkte tan zangnadawmna pek MSU in a ngen puina pawh CM hian tihhlawhtlin ngei a tum thu a sawi.

Bihar State Election-a duty tur Mizoram Police tirh thlak tumna titawp tura MSU-in nizan lama a lo thlen tawh leh nizan veka chhanna a hmuh anga, Mizoram Police te chu ramri venhim lamah a tul anga kaltir annih zawk tur thu ah MSU chuan CM zahawm tak chu lawmthu an hrilh nawn bawk.

Post a Comment

0 Comments