Aizawl | Octobr 18, 2020: Mizo Zirlai Pawl (MZP) general headquarters OB leh advisers vawiin chawhnu-a ṭhutkhawm chuan ramri-a duty turin an hnuaia headquarters, Sub - Headquarters leh Branch te duty tura inralring turin an hriattir.
Vawiin meeting chuan, MZP Hqrs, Sub Hqrs leh Branch te chu a ṭul anga hma lo la nghal turin a hriattir nghal.
MZp chuan, "Ramri buainaah Thinghlun lamah tunah hian Assam lam aṭangin force leh civil lam an lokal tih hriat a ni a. Hei vang hian Thinghlun lamah pawh IR te leh Mizo ṭhalai an inralring mek tih hriaiin, Heng, MZP Hqrs - Mamit Hqrs, Zawlnuam Hqrs, Sub Hqrs Kawrthah, Kawrtethawveng Sub Hqrs, Kanhmun Sub Hqrs, W. Phaileng Sub-Hqrs leh an hnuaia Branch hrang hrang te chu Thinghlun lamah hian a ṭul anga lo inring turin kan inhriattir e." tiin an pawl thuchhuah chuan a tarlang.
MZP Hqrs, Sub Hqrs leh Branch te chu, MZP Gen Hqrs in a ṭul anga in kalna tur lam a rawn ruahman tur lo ngaichang turin an hriattir bawk a ni.
Post a Comment
He post chungchanga i ngaihdan lo sawi ve rawh: