RAMRI BUAIAH RILRU FIM NEI VAIRENGTE TLANGVAL RUAL

Inrinni zan dar 11 vel atangin Vairengte kan pan thla a, ruahsur leh chhum zing nasa lutuk vangin tlanchak a har hle. Zing dar 4 rik hmain Vairengte kan thleng ta a. Police duty na kan pawh nghala, buk te takte ah patling chau tak tak an lo mu tlar dula, mutna chang ve lo kawngpuiah an la thu thup mai bawk a.
Inrinni zan lama Vairengte khawdai, Mizoram IR Police covid-19 duty post na atana an hmanna bawr velah boruak duhawm lo a thlen hnuah Pathianni zing khan helai hmunah hian kan awm a.  Keini chauh lo, ramri buaina a awm tih hriat thawmah Aizawl atang motor hire meuha Vairengte ramri pante, ruahsur karah bike hmang ramri pan mithahnem tak an awm. Serchhip dist. huam chhung atangte a Mizo tlangvalten ramri an pan kha an fakawm tak zet a ni.


Zing dar 7 velah police duty na thlang lama kawng langthei chin tawpah chiah Vai hi an rawn lang leh zeuh thin a, chu mi chumi te chuan Mizoram police duty te chu ban rawn vaikhumin ngeiawm tak takin ral khat atang an rawnin lan thin. 

Vairengte khawchhung hian ramri leh a chhehvela vaiho mizia an hrechiang khawp mai. Mizo tlangval, Vairengte mi 100 chuang velin Assam lam atanga vai lo chho mi 300 chuang chu an nawr kir thei a. Chumi an nawrkir theihna tur atan chuan hmanrua an ken a in ang reng. Vairengte tlangvalte chuan "Kan thisen hian a ngam a ni," an ti.

Vairengte tlangvalte chuan, Assam leh Mizoram inrinnia bawra awm tam ber hi Bangladesh atanga lo pem lut, hnam hnufual, Bangladesi kan tih ang chi hi an ni deuh vek a, an khawsakna leh rilru a hniam a, chutiang zawng zawng chu khulaia politician te khuan an hre chiang. Chumi chu hmanrua a hmangin pawisa pe in, hlawh neiin ramri ah an rawn che ta a. Assam ram chhung an hmangaih vang a ni lo, an pawisa hlawhchhuah duh vang a ni. Keini Mizoram chuan Mizoram tan kan bei a, Mizoram tan thih pawh kan ngam, an ni chuan pawisa hlawh leh thih hlaua min bei an nih avangin an huaisen ve lo," an ti.

Tuna IR Police ten Covid-19 duty post leh Auto Rickshaw stand-a an hmanna hmun khu ramri buaina avanga inbeihna lo thleng zel pawh nise tanhmun remchang ber a ni, an ti a. Vai dawr  hal chhiatna thlang lamah tlang bawk pathum a awm a, chumi inkarah chuan Kawngpui kal tlangin a sir lehlam atang ruangchaicheh thlak maitheihna hmun a ni, an ti. Tun hmain helai hmunah hian buaina a lo chhuak tawh thin a, helai hmun hi kan chetchhiatna hmun a ni a, helai hmun hi kan pelh a him lo, tiin Vairengte tlangvalte chuan an sawi.

Ramriah Pathianni nileng khan buainalian engmah a awm lova, buaina chhuak leh anga an sawi hi Assam lam atang chinchang ena rawn tlan chho leh zeuh thin  vai pahnih khatte an awm thin a, chumite umzui tuma Mizoram police duty tawntlang lui an ni a, chumi avang chuan boruak a sang niin an lang. Assam lam ven aiin Mizoram leh Mizoram inven nasat angai zawk a, awmze nei lova buaina chawh chhuah theihna a nih  avangin police te hian Mizoram lam civil mi awmze nei lova ramri lam kal tlang tur an danga, Mizo leh Mizo kanin veng zawk a ni.

Hetih mek lai hian Aizawl atang ramri buaina hmun lam panin tlangval thahnem takten an hmanraw neihte kengin an kal hlawm a. Heng ramri buainaa kal chhuakte hian hmasawn a chhuk thlak zel an duh. Chutiang chuan vawi tam tak kal tlangluih an tum a. Ramriah Mizo tlangval thenkhat buaina hmun leh ram awmzia hre lova awmten police duty tawntlang chu huaisenna ah an ngai tlat niin a lang.

Hetianga Tlangval thenkhatin police duty te tawn tlang an tum lai hian Vairengte tlangval, inrinni zan lama vai 300 rual hnawtkir theitute chuan police thu awihin an ding thapa, an mahni hriat tawkin an in be sep sep thung. Vairengte pa rawn deuh nia ka rin chu ka han hnaih a. 
"Hetiang police tawn tlang tumtute hi naktuk zanah chuan Aizawl lamah emaw mahni in lumah tui takin an mu leh tawh dawn. Kei ni Vairengte chuan he buaina hi kan hmachhawn reng dawn a, a tuar bertu chu Vairengte kan ni tho, kan thu chhuak hi min ngaih pawimawh sak se... a ti vang vang bawk a.
Huaisen hun hria Vairengte tlangval zingah pawr taka police duty tawn tlang luih tum an awm lo a. Chutiang pawr tak tak chu "Vairengte mi leh sa an ni em?" tiin ka zawt a, "Ni lo, a hmel kan hre ngai lo, an ti deuh vek. Vairengte mi leh sate chuan bawhzui buan buan lovin police thu an awih a, a hunah huaisen takin an bawhzui mai niin a lang.

Khulai hmunah khuan Mizoram sawrkarin Police a dah belh mek zel a, civil mi mau bung leh road  kenga ramri ven ai chuan Assam  police silai neih aia Silai nei tha zawk Mizoram police te rin tawk mai a hahdam thlak awm e.

Mizo tlangval thenkhat, duty te sut tlang tum tlatte an awm thin. Huaisenna aiin mawlna a lang sar zawk. Ka sawi tawh a, ka sawi leh thin ang. A hun taka che, Vairengte tlangvalten rilru fim tak pu in ramriah an dingkhawma, police duty tawn tlang luih tum an awm ngai lo. He tih mek lai hian Vaireng thalaite chuan khawlum tak hnuaia ramri duty a chhuak khawmte Theitui vawt tui tak an hlui a, chaw eina mai tur hre lo leh khawdang atanga Vairengte pankhawmte tan Joint VC Vairengte chuan zanriah an la siam zel bawk.

Fak phu Vairengte tlangval mai bakah khawtlang hruaitute Mizoram tan an hlu thlawt e.

- MARO COLNEYA BUNGSUT

Post a Comment

0 Comments