Ramri buai vangin Assam-in lirthei la dang; Kuhva huan khar tawh vai sumdawng an buai tan!

Aizawl | October 31, 2020: Assam lamin Mizoram a motor lut tur an la dang a, Mizoram chuan Motor an dintir te an chhuah thla tawh thung niin thu dawn a ni.

Assam lam hian ramri atanga Police awm te lak chhuah ve ve ni se, an ti a. Mizoram sawrkar chuan ramri a Assam lam chet dan leh ramri a Mizo chengte tan a him loh avangin Mizoram Police lakchhuah chu a rem lo niin a sawi ve thung.

Zophai lama IRP awm te Hailakandi lamin la chhuak tura an nawrna chhan hi, Zophai a Muslim hovin biak in an rel hi thal chhoah sak chhunzawm an duh niin hriat a ni a, MZ IR an awm ve avangin hma an la ngam lo niin thudawn a ni.

Tukin zing khan Mizoram motor Silchar a tangkhang te chu Assam Police escort na hnuaiah rawn hruai chhoh tum an ni a, Dholai Police ten an tihtur an hlen tawk loh avangin Lailapur a mi 10 vel lek lo awm an pal tlang zo lo niin thudawn a ni.

Tukin zing dar 3:00am vel khan Silchar aṭangin Mizoram lam motor Tanklorry 11 leh Gas phur 4 te chu Assam Police leh CRPF (Mizoram House Vengtute) pathum(3) escort-na hnuaiah lo chhuahpui an ni a. Hei hi Kolasib SP in Silchar SP nimin lama a biakna anga Silchar SP ruahmanna a ni. Assam Police te hi Bolero khatah an chuang a, escort tute hi Dohlai PS ah an inthlak a. Lailapur an thlen chuan Dholai Police Motor escort-tu te hian kawng dangtu mi 10 atanga 15 vel chu control pawh an tum chuang lo niin thudawn a ni a, an awm bo daih niin thudawn a ni. Mizoram House atanga kal Mizoram Police pakhat leh CRPF te chuan Lailapur a lo awm te hi an control ta zawk niin thudawn a ni bawk. Hetiang hi an boruak a nih tak avangin Mizoram lam pana lo kal motor-te pawh chu Silchar lam panin an let leh ta niin thudawn a ni.

Lailapur thil thleng avang hian SP Kolasib chuan SP Cachar a be nghal a, SP Cachar chuan an nau ten theih tawp an chhuah thu leh Ruahmanna tha leh zuala escort chu kalpui that an tum thu a lo hrilh a, Assam Police Escort na hnuaiah Mizoram Driver te hi an kal nawn leh ngam dawn leh dawn loh hriat a ni lo.

Hetihlai hian Vairengte leh Bilkhawthlir a Kuhva rah tam zawk chu Cachar phei a Kuhva a sumdawng hovin a man an pe lawk vek tawh a, a rah lawh a hun tan tawh si. An rawn ngaihven thei bawk si lo. An buai a, an chal an beng an beng tawh niin thudawn a ni. 

Vairengte pa thenkhat lah hi an sual thiam ve a, in kuhva khar chhawn sa kha a rah a tla reng mai a, nu hovin an chhar luih luih mai, an zuk tih khum thin a. An nui hlei thei tawh meuh lo a ni.

Hei chu ramri issue ni lovin KUHVA issue a ni. Cachar phei sumdawngten Kuhva man an pek lawk hi a tam tham thei hle.

MPWD lamin Bairabi To Zamuang kawng an chei nghal rup rup e.... Ni 5 chhunga zawh hman an tum a ni.  Heihi Mizoram Chief Minister ruahmana a tih a ni. 

Div pangnga kawng siam hna an thawk dawn a,  Engineer In Chief MPWD in a thutchilh a ni.

-Input from- ZMP Tlau