Mizoram leh Assam ramri-ah boruak awm leh; State pahnih a DC te inbiak tum

Aizawl | October 31, 2020: Mizoram leh Assam ramri buaina chuan kian lam a la pan tak tak thei lova, nizan leh tukin lamah Vairengte leh Kanhmun lamah boruak a awm leh niin thu dawn a ni.


Vawiin hian Mizoram a Kolasib district DC leh Assam-a cachar DC chu Lailapur-ah inbiak an tum a. mahse, KOlasib DC kal tur hi Vairengte thalai leh MZP chuan duh lovin kawng an lo dang a, an tlang tir  ta lo a ni.

Chawhma dar 10:30 khan Vairengte Jt.VC bul tumin All NGO's te chuan Vairengte Bangla Veng kawn SDO(C) pisa thlangah Kolasib DC an lo dang.


Kolasib DC Dr Lalthlangliana hovin tunah hian SDO(C) Vairengte pisa-ah NGO hruaitute leh khawtlang hruaitute an inkawm mek nia thu dawn a ni.

Tunah hian SDO (C) pisa-ah Vairengte Jt.VC All NGO's leh Kolasib district bawrhsap te hian inbiakna an nei mek a ni. MZP General Headquarters, Aizawl pawhin Vairengte Jt. VC All NGO hmalakna hi thlawp/tawiawm in nimin atang khan Vairengte hi an awm chilh tawh bawk.



Kanhmun lam atanga thu dawn danin Mamit DC chuan kanhmun lam boruak inlumlet thlirin Kanhmun a thleng tawh a, Assam-a Karimganj district DC nen an inbe dawn nia thu dawn a ni bawk.

12:20 noon:
Karimganj DC nena inbe turin Mamit DC, SP leh Kawrthah SDO(C) ten Medili lei kanin Assam an pan niin thu dawn a ni.



Kolasib DC leh Cachar Dc te inbe tura tih a nih naa Vairengte a Joint VC leh All NGO’s ten Kolasib DC an lo danna-ah hian Joint Reoslution thehluh niin thu dawn a ni a, an resolution thehluh nia dawn chu a hnuaia mi ang hi a ni.
  • # Cachar DC thupek anga National Highway 54/306 a motor dan mek te an chhuah hma loh chuan Sawrkar anga inbiakna neih ni tawh suh se.
  • # Mizoram leh Assam sawrkar-in inbiakna an nei dawn a nih pawhin, Mizoram leh Assam huam chhung ni lo, state dang (neutral ground) ah inbiak ni rawh se.
  • # Central sawrkar hian duhsak bik neiin rorel tawh suh se.

Tukin zing khan Mizoram motor Silchar a tangkhang te chu Assam Police escort na hnuaiah rawn hruai chhoh tum an ni a, Dholai Police ten an tihtur an hlen tawk loh avangin Lailapur a mi 10 vel lek lo awm an pal tlang zo lo niin thudawn a ni.

Tukin zing dar 3:00am vel khan Silchar aŠĻ≠angin Mizoram lam motor Tanklorry 11 leh Gas phur 4 te chu Assam Police leh CRPF (Mizoram House Vengtute) pathum(3) escort-na hnuaiah lo chhuahpui an ni a. Hei hi Kolasib SP in Silchar SP nimin lama a biakna anga Silchar SP ruahmanna a ni. Assam Police te hi Bolero khatah an chuang a, escort tute hi Dohlai PS ah an inthlak a. Lailapur an thlen chuan Dholai Police Motor escort-tu te hian kawng dangtu mi 10 atanga 15 vel chu control pawh an tum chuang lo niin thudawn a ni a, an awm bo daih niin thudawn a ni. Mizoram House atanga kal Mizoram Police pakhat leh CRPF te chuan Lailapur a lo awm te hi an control ta zawk niin thudawn a ni bawk. Hetiang hi an boruak a nih tak avangin Mizoram lam pana lo kal motor-te pawh chu Silchar lam panin an let leh ta niin thudawn a ni.

Lailapur thil thleng avang hian SP Kolasib chuan SP Cachar a be nghal a, SP Cachar chuan an nau ten theih tawp an chhuah thu leh Ruahmanna tha leh zuala escort chu kalpui that an tum thu a lo hrilh a, Assam Police Escort na hnuaiah Mizoram Driver te hi an kal nawn leh ngam dawn leh dawn loh hriat a ni lo.

Post a Comment

0 Comments