October 12, 2020: Prime Minister Pu Narendra Modi chuan vawiin khan Rajmata Vijaya Raje Scindia piancham kum 100-na centenary lawmna pualin commemorative coin cheng 100 thir chu video conference kaltlangin a tlangzarh a. A piancham denchhen hian Pi Rajmata-i hriatrengna leh chawimawina hun a hmang a ni.
Prime Minister chuan Pi Rajmata Vijaya Raje Scindia-i chawimawina special commemorative coin cheng za thir a tlangzarh thei chu vannei a intih thu a sawi a.
Vijayaraje Ji lehkhabu chungchang sawiin Prime Minister chuan lehkhabuah hian Gujarat thalai hruaitu anga tarlan a ni a, kum tam tak vei hnuah vawiin ni hian India ram Pradhan Sevak anga hriat leh ngaih a ni a ti.
He hunah hian thusawiin Prime Minister chuan Rajmata Vijaya Raje Scindia kha kawng dik zawh tura India ram hruaitute zinga pakhat a ni a ti a. Thuthlukna nghet tak siam thin hruaitu leh rorel thiam tak anih thusawiin India politics a hun pawimawh tak hmutu leh tawngtu a ni a, ramdang thawmhnaw hal hunlaite, Emergency leh Ram Temple movement-te hmu leh hrepha tu a ni a. Tunlai thangtharte tan hian Rajmata-i chanchin hriat hi a pawimawh tak zet bakah a chanchin leh thiltawnte sawifo hi a tul a ni a ti.
Prime Minister chuan Rajmata hian public service titurin eng chhungkaw mi leh sa emaw chawrchhuahna bik emaw neih a ngailo a ni tih min zirtir thusawiin a tul chhun chu ram hmangaih leh mipui rorelna ngaih pawimawh hi a ni a ti a. Heng ngaihtuahna leh zirtirna hi a nunah hmuh tur a awm thu leh a nunpui a ni a ti a. Rajmata khan a hnuaia thawktu mi sang tam tak neiin lalin ropui tak leh bungrua leh thil hlu tam tak a nei a mahse a dam chhung hun chu mipui mimirte leh miretheite tana hmangin an rawng a bawlsak a. Vantlang rawngbawl hnathawk turin a inpeih reng a. Rajmata kha ram hmalam hun thlirin theihtawpin a thawk thin a ni a ti a. A nawmsakna pawh ngaihtuah thei lovin ram tan a thawk tihsawiin Rajmata khan dinhmun tha leh ropuina a um lova politics ah pawh a inhnamhnawihlo a ni a ti.
Rajmata khan tum engemawzat dinhmun sang pek tumna a hnawl thusawiin Atalji leh Advani Ji te khan Jana Sangh president ni turin an sawm a mahse Jana Sangh ah chuan activist nih a thlang ta zawk a ni a ti.
Prime Minister chuan Rajmata khan a hnathawktute kha an hming a hre hrang vek a, hetiang rilru hi hnathawktute laka kan put tur a ni a. Politics ah hian chapona nilovin inzahtawnna hi a laimu a ni tur a ni a. Rajmata kha nun hruaitu miropui tak a ni a ti.
Prime Minister chuan mipuite thanharhna leh mipui huapa hmalaknate avangin kum rei vaklo kalta atang khan kan ramah hian thil inthlak danglam tam tak a lo thleng tawh a, campaign leh scheme tam tak tihhlawhtlin a lo ni tawh a ni a ti a. Rajmata malsawmna zarah kan ram hian hmasawnna kawng a zawh mek a ni a ti.
Prime Minister chuan vawiin hian India Nari Shakti chuan hmalam a panin ramchhungah hian field hrang hrangte tan hmahruaitu a ni a. Rajamata-in hmeichhe dinhmun chawikanna lama a duhthusam tihlawhtling tura Sorkar hmalakna hrang hrangte a sawilang a ni.
Prime Minister chuan nasa taka hma a lo lak tawhna Ramjanmabhoomi temple din tura hmalakna leh a pian champha centenary a inrual chiah chu thil lawmawm tak anih thusawiin Atmanirbhar Bharat hlawhtlinna hian Rajamata-i beiseina India ram hausa leh ngialnghet a siam leh din kawngah a pui dawn a ni a ti.
- PIB Aizawl
***
Post a Comment
He post chungchanga i ngaihdan lo sawi ve rawh: