PHAINUAM BULAH ASSAM FOREST-IN GATE SIAM AN TUM

Kolasib | October 26, 2020: Assam Forest chuan Saihapui V leh Phainuam inkar-ah Forest chack gate siam tir a tum a, Saihapui V a IR duty te pawh Phainuam lama insawn chhuak turin Cachar DFO chuan a ti.

Saihapui V leh Phainuam khawtlang hruaitute sawi danin, vawiin khan Cachar DFO hovin Assam Police mi 30 velin Saihapui V an rawn tlawh a, Cachar DFO hian Saihapui leh Phainuam inkarah Forest check gate siamtir a tum a, Mizoram IR duty Saihapui V a duty te pawh an duty na hmun Phainuam lama sawn turin an ti niin thudawn a ni.

Cachar DFO in Forest check gate siamtir a tumna hi Saihapu V leh Phainuam inkar a lei awmna bulah a ni a, Saihapui V atanga km 1 leh a chanve vel a ni.

A hmun a awmte sawi danin naktuk khian Cachar DFO hovin helai hmun hi tlawh leh an tum a, Mizoten an lo tihbuai leh chuan rawn nawr a tum thu a sawi bawk a ni.

Hetiang boruak a nih avang hian Saihapui V khawtlang hruaitute pawh nimin tlai khan an inhmukhawm nghal a, an rawn nawr palh a nih pawh a lo dan letna tur tiang leh mau te zanin khan an sat nghal a, Saihapui V a awmte pawh Assam lam an rawn kal huna awm turin naktuka ramchhuak lo turin an inchah lawk a. Mizoram IR 52 lo awm bakah Vairengte lam atangin IR 10 rual an chhukbelh niin thudawn a ni bawk a ni.

- ZMP Tlau