MZU B.Sc(Home Science) Gold Medalist Lalringzeli Renthlei

Mizoram University (MZU) B.Sc Home Science Gold Medalist Lalringzeli Renthlei kan belchiang.


MZU B.Sc Home Science-ah CGPA 8.25 hmua gold medalist ni ta Laringzeli Renthlei hi R Lalsangzuala leh Lalthansangi te fanu niin, unau pathum zinga milai a ni.

Lalringzeli Renthlei hi a 'Azel' tia koh thin a ni a, Unau pathum an ni a, milai niin, nau mipa pakhat a nei a, November 8, 1998 khan a lo piang a ni.
Lalringzeli Renthlei te hi Presbyterian Kohhran, Electric Veng-ah lawiin, tunah hian Church Street, Electric Veng, Aizawl-ah chengin an khawsa a ni.


Zirna lam:
1. Pawl 1 atanga pawl 10 khawiah nge i Kal? Eng zatna nge I nih thin, pawl 10 pass kum?
- Pawl 1 - 5 hi South Point School, Zarkawt. Pawl 6 - 10 hi Pioneer Missionary School, McDonald Hill, Zarkawt. A tlangpuiin top 10 ah hian ka lang thin. Pawl 10 hi 2015 Khan ka pass a ni.

2. Pawl 12 hi khawi atangin nge i pass? chuan engah nge, a kum nen? 
- Govt.Mizo Higher Secondary School, 2017 khan ka pass a ni.

3. Zirna sang zawk i zir leh i zirna hmun leh kum?
- 2017 atangin Govt.Zirtiri Residential Science College ah B.Sc Home Science ka zir tan a, Kumin 2020 khan tluang takin ka zo a ni.

# I lehkha zir Dan?
= Lehkha zir Dan Hunbi ka nei hran lo a. Hunawl ka ngah Chang chuan nileng lengin ka zir tawp a, ka Zir Dan tur hi notes ah ka ziak thla hmasa thin a, a pawimawh tura ka rin apiang ka mark thlap2 thin bawk, chuan class a lecture hi ngun taka ngaithla in a pawimawh tur ka note down thin a ni. Ka hrethiamloh leh ka Bo deuh chang chuan  net ah ka search mai thin a ni.


# harsatna I hmachhawn dan?
- Harsatna hmachhawn dan hrang hrang hi ka nei ve thin a. A tlangpuiin harsatna ka hmachhawn Chang chuan ka tawngtai tam thin a, engkimah hian  lawmna tur hi ka zawng Lui thin a, harsatna hneh thei tur hian ka theihtawp ka chhuah ve thin.

# Gold medalist i nihna (subject) leh CGPA?
- Bsc Home Science, ka CGPA chu 8.25 a ni.


# Gold medalist ni tura i beih Dan?
- Gold medalist ni tura Zir chho ka ni chuanglo a, Kan hmahun zel atana pawimawh a nihna angin Zir tur a nih chuan ka zir Mai thin.

# Gold medalist ni tura i beihnaah faculty lamin an tawiawm/pui tha chein i hria em?
- Kan professor te hian a ai tha in ka ti thei a ni tih min hrilh thin a, thiamloh leh hriatthiamloh zawh nawn pawhin tha Tak leh zaidam takin min hrilhfiah leh thin a ni. An theihtawp Tak meuh2 in min pui ve in ka hria.

# I zirna atana i chhungte pawimawhna?
- Ka chhungte hian lehkhazir ka ngaih tawh chuan hun tha min siamsak an hreh ngai lova, min awl hneh em2 thin a ni. Zirna atana Ka mamawh ka sawi ang apiang sawisel lovin min ngaihtuah sak thin a. Student's Union ah leh Evangelical Union a ka in hman chhoh atang phei chuan engmah sawisel lovin min support em2 zawk thin.

# I zirna atana i thiante pawimawhna?
- Ka thiante hi lehkhazir nuam ka tih phah ve thin chhan te an ni ve a, ka hriatthiamloh ka zawh Chang te hian tha takin min hrilh chhawng leh thin a, ka tihchhiat deuh changte hian min fuih nasa ve em2 thin a ni.



# Duhzawng leh ngainat zawngte :
Rawng: A dum leh a var.
Chawhmeh: Vawksa rep leh ba Bai.
Incheina: Palazzo pants leh white sneakers ka ngaina.
Rimawi: Ballad songs  ho hi ka ngaina.
Mizo Ziaktu zingah: Lalhruaitluanga Chawngte.
Hla: Kim Taeyeon hla tawh phawt chu nalh ka ti๐Ÿ˜….
Hla phuahtu: Duhzawng sawi tur bik ka nei hran lo.
Teacher: min motivate tu, min kaihruaitu, an theihtawp a zirlaite tana inpumpek te.
Leader: APJ Abdul Kalam

Mize ngainat zawng:
- Fiamthu duh (mi hlim thei), mi rintlak, min fuih thei tu leh uikawm lo.
 
Mize ngainat loh zawng: 
- Mi uikawm, a hun leh hmun thliar hrang thiamlo te, mize inthup te.

Hobby: Trekking hi nuam ka ti a, ka uite Nena infiam te hi nuam ka ti๐Ÿ˜.

Relationship status : Single!!!!!.

Kawppui atan duhzawng: Pathian tih mi, Min fuih Kal thiam tu, mahni invawng Tak leh min ngaihsak em2 tu.



Zawhna dang:
1. A tel lova i awm theihloh: Pathian, nu leh pa, sunscreen, tarmit leh Bible.

2. I nun kaihruaitu: Pathian, ka nu leh pate, ka thiante.

3. Hringnuna I hlauh ber: Hlawhchham/beidawn.

4. I tih ngai miahloh tur: Eng hun harsa pawh lo thleng se...ka hmachhawn theilo tih ka sawi tur a nilo.

5. MizoTualzal nuna tha i tih: Tlawmngaihna.

6. Quote i duh ber: 
"I can do all things through Christ who strengthens me".
           - Philippians 4 : 13.


7. Mizoram leh Mizo tualzal nuna Mizo hmeichhiate dinhmun:
- Mipa leh hmeichhe dinhmun hi tunlai hunah chuan a inang khat tawh rengin ka hria. Hmeichhia te pawn hna sang tak2 an chelh ve tawh a, mawhphurhna sang Tak an nei tawh a, hmeichhiate dinhmun hi a hniam bikin ka hrelo.

8. Hnam hmingthat leh hmingchhiat kawngah hmeichhiate mawhphurhna:
- Hnam hmingthat leh hmingchhiat kawngah hian hmeichhiate hi inven thiam kan ngai em2 a.  Hnamdang pasal an neih hian hnam hmel an timawi lo a...chuvangin inchhungkhur ah mizo ze Mawi in zirtir uar a tul hle in ka hria.

9. Hnam ziarang chawinun kawngah Hmeichhiate mawhphurhna? 
- Nu ten mahni fate puan bih Dan dik zirtir leh bih uar tura inhrilh te, buh thlei Dan inzirtir tam te, Mizo chawhmeh Siam inzirtir te, inchhung enkawl Dan te, hmeichhiate tih รขwma Mawi inzirtir te hi.

10. Mizote tan 'Fa neih tlem' inzirtir hi a tulin i hria em?
- A tulin ka hrelo. Mizo te hi Chim ral tham lek Kan la nih avangin Kan chawm zo Dawn anih chuan fa ngah a pawina ka hrelo.

11. Mizo hnam thanmawh bawk nia i hriat?
- Taihmakna leh teirei peihna hi Kan tlachham hlein ka hria. Pakhatin a tha Tia a sawi bawr huk thin mi Kan ni a, a tawp thleng peihlo a thil dang2 Kan tikual thin te, zu leh ruihhlo vanga Kan buai ta lutuk te hi a ni.

12. Mizo hnam damna atana kawng awm nia i hriatte?
- Kawng tam Tak a awm thei anga pi leh puten tanrual hi chakna an lo tih angin tanrual lehzual leh taihmak lehzual te, Kan hmaa thil awm apiang beidawng lo leh zam lo in su tlang ngam ila.

13. Hnam chhan nana Hmeichhiate tangkaina leh mawhphurhna?
- Tunlai hunah phei chuan hmeichhiate mawhphurhna a sang tawh hle a. Mipa ten huaisen taka hma an tรขwn a theihtawpa an hnung Kan dawl ve te, Pathian in Chanchin Tha min pek te hi buaipui tam mai ila, Chim ral Kan ni lo bawk ang.

14. Zirna, Khawtlang leh Kohhran hi?
- A pathum hian Mizo nuna pawimawh em em vek an ni a. Mi kan inang lo a, A pathum a tikawp thei an awm rualin, zirlai kan nih chhung chuan inhman tam hrih loh pawh a pawilo ka ti.

15.Khawtlang, Kohhran leh nangmah?
- Khawtlang leh Kohhran enkawl tu tur Mi tha tak2 te, entawn tlak tak2 te Pathianin a dah zel a. Ka zirna avang hian Khawtlang leh Kohhran ah ka tel tam lo hle a, ka inthlahrung ve thin khawp mai.

16. Social Media leh Nangmah?
- Instagram, Facebook, whatsapp hi ka khawiah tlangpuia....social media hian min tibuai hran lo.

17. Mizoram thalai tam Tak tlakchham?
- Insumtheihna leh chhelna hi Kan tlachham hle tawhin ka hria. Hlawhtling tura paltlang ngaite paltlang Turin Kan chhel tawklo fo a, hrehawm tawrh chhung hi a reilo a, i bei fan fan zawk Ang u.

18. Mizo thalaite hian ngaihsan tur dik an ngaisangin i hria em?
- Kan ngaihsan zawngte hian Kan rilru a lo kaihruai thui thei hle Mai a, social media in min thlak danglam ta lutuk hian ngaihsan tur Kan ngaisang thei ta lo in ka hria. Kan nun chhoh zelna atana tangkai tur Chik ila, ngaihsan tur dik Kan ngaisang thei Ang.

19. Ngaihsan tur dik nia i hriat?
- Hlawhchhamna indelh behtir ngai lo te, huaisen taka hmalam pan a bei thin te , Pathian tana inpe te, dik taka sum la lut thin te.

20. Hlawhtlinna tura pawimawh: 
- Chhelna; Chhelna Kan neih loh Vang hian Kan Hlawhchham fo a, Hlawhchham Kan intihna tam Tak te hi hlawhtlinna kalkawngah i ngai zawk ang u. Beidawn duh miah lohna hi hlawhtlinna a ni tih i hre thar leh ang u.

21. Hloh i hlauh ber:
- Pathian tana ka theihtawka ka inhlan ve thinna hi.

22. Hnam dang nupui pasala neih hi:
- Hnam dang nupui pasala neih hi Mizo hnam ralna a ni na meuh mai. Kan society nen pawn a la inrem chiahlo a ni. Mahse, mihring chu duhthlang thei kan ni a, miin hnam dang nupui pasal nei tura duhthlanna a siam anih pawhin sawisel vak vak lo ang u.


I thalaipuite tana fuihna:
- I Hlawhchham anih pawhin kha i Hlawhchhamna kha in delhbeh tir mai lo la, i thuhnuai ah dah tum zawk ang che. Peih lo chung chung pawha i beihna zawng zawng te kha a tawpah malsawmin a awm dawn tih hre reng la, a tha lam a nih phawt chuan nu leh pate thu awih hram hram bawk ila, mi dang te nunah inrawlh thuk lutuk lo ila, danglam nih hreh lo la mi dang ngaihdan turah che buai lutuk duh suh. Mahni nihna lo anga lan tum buai lo la, Pathian hnena theihtawka i inhlan thinna te kha malsawmin a awm ngei nge dawn tih hriat reng a tha.

EXPLOREMIZORAM.COM I hmuh dan: 
- A bengvar thlak khawp mai, thu thar hriat nan a tha bawk a. Duhsakna ka hlan tel bawk cheu. ๐Ÿ‘๐Ÿป๐Ÿ‘๐Ÿป


Founder/Editor
Explore Mizoram



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments