Aizawl | october 21, 2020: MZP leh Vairengte Thalai Pawl chuan zanin (October ni 21, 2020) dar 8:00 aṭang khan Assam lama dan loa awm Bangladeshi ten Mizo mipui eibar hrêk zâwnga kawngpui an dan vanga chhan lêtna atan Assam aṭanga Mizorama bungraw phur lirthei lo lut tur rêng rêng a dang ve ta.
MZP leh Vairengte Ṭhalai Pawlin kawng a dan chhan hi, Mizote zahawmna leh Mizote hmakhua ngaia hmalakna a ni tih min hriatsak tur leh harsatna a lo awm deuh a nih pawhin lo tuar hrâm hrâm turin MZP leh Vairengte Ṭhalai Pawl chuan Mizo mipuite a ngen nghal a ni.
MZP General Headquarters, Vice President Pu Peter Chhangte leh hruaitu mi eng emaw zatin Vairengte ah an ṭhutchilh nghal a ni.
Vairengte-a awm mek MZP hruaitute hnen aṭanga thu dawn chuan, Pu Peter Chhangte, Vice President MZP ho a Vairengte pan chuan General thu kan hmuh angin lirthei vairam lam atanga rawn chho apiang dan hnatlang kan thawk mek. Mi tu te emaw in duhsak bik nei a truck thenkhat (truck pali)an rawn chhuahtir anga sawi awm hi thudik lo a ni. Dang tura kan inbuatsaih laia rawn chho tlang mai an ni e." tiin a tarlang.
Post a Comment
He post chungchanga i ngaihdan lo sawi ve rawh: