MHA-in inhawn chungchang a inkaihhruaina a siam a pawtsei; State/UT-te chu COVID nena inmil nunphung zawm turin a rawn

• MHA-in inhawn chungchang a inkaihhruaina a siam a pawtsei

• Fimkhur tak chunga nunphung pangngai chhunzawm

• State/UT-te chu COVID nena inmil nunphung zawm turin a rawn

Aizawl | October 27, 2020:  Ministry of Home Affairs (MHA)  chuan vawiin khan order tichhuakin ni 30.09 2020 a inhawn chungchang a inkaihhruaina a lo siam tawh chu ni 30.11.2020 thleng a hman chhunzawm turin a pawtsei a. 

Containment Zone pawnlama thiltih phalte

MHA in March ni 24, 2020 a inkharkhip kalpuidan tur atana Order hmasa ber a tihchhuah atang khan Containment zone pawnlamah chuan a tahtawlin thil tih phalte hawn zau belh chhoh zel a ni a.  Tunah chuan thil engkim deuh thaw tihphal a nih tawh laiin mipui tam zawk punkhawmna lam chi erawh inkhuahkhirhna tlem a zawng leh hriselna leh himna ngaihtuah chungin SOP siam hnuaiah phal an ni thung a.  Chung zingah chuan metro rail,  shoppong mall-te,  hotel,  thingpui dawrte leh khualchhawnna lam chi dangte; sakhaw hmunte; yoga leh training institute-te; gymnasium-te;  cinema-te;  intihhlimna park leh a dangte an tel a.  Activity thenkhat chungchangah chuan COVID inkaidarh a hlauhawm lutuklo anih chuan State/UT Sorkarte chu inhawn chungchangah hian SOP siam chungin an zirchianna behchhanin anmahni a thuthlukna siam phalsak an ni a. Chung activity zingah chuan School leh coaching institute hawnte;  research scholar-te puala state leh private university hawnte; mi 100 aia tamlo punkhawm phal chungchang leh a dangte a tel a ni. 

Inkaihhruaina hnuhnung ber ni 30.09.2020 a MHA in a tihchhuah hnuah hian inkhuahkhirhna hnuaiah a hnuaia activity te hi tihphal belh an ni:

MHA phalna hnuaia passenger-te tana international air travel. 

Infiam mite'n training-na atana an hman swimming pool hawn. 

Business to Business (B2B)  kaihhnawih a exhibition hall te hawn. 

Seating capacity 50% thleng luah khata cinema/theatre/multiplex hawn. 

Social/academic/infiamna/intihhlimna/culture/sakhuana/political function te leh punkhawmna dangte chu closed space ah chuan hall capacity 50% thleng chauh leh mi 200 aia tamlo nen neih phal a ni. 

Heng a chunga activity tarlante chungchang a thuthlukna dang chu boruak thlir zel chung a siam a ni dawn a ni. 

COVID nena inmil nunphung

A tahtawl a inhawn belh zel leh tihdan phung pangngai zawm chhoh hret hret zelin a tum ber chu nunphung pangngai neih leh a ni a. Chutihrual chuan hei hian hripui a reh ta tihna lam a kawk lova. Kan nitin khawsak phungah hian mimal tinte'n fimkhur tak chung a kan nun hmanga COVID-19 nena inmil nunphung kan zawm a ngai a ni. Prime Minister Pu Narendra Modi chuan October ni 8, 2020 khan 'Jan Andolan' a hawng a,  he hmalakna hi COVID-19 nena tihdan phung inmil tak thil pathum a innghat a ni a,  chungte chu: Uluk taka mask vuah;  kut fai taka sil fo; leh midang nena feet 6 tala inhlat a awm te an ni. 

Harsatna awm lova nunphung pangngai zawh leh tur leh hripui leng dona kawnga hmalak tawhna te tihchhiat a a awmlohna atan mipui zingah discipline leh neitu nihna thinlung tuh a ngai hle a.  

MHA chuan State/UT zawng zawng Chief Secretary-te/Administrator-te chu COVID-19 nena inmil nunphung hmun kilkhawr ber thleng a a zau thei ang bera zirtirna leh inkaihhruaina kalpui turin a hriattir tawh a.  Mask vuah,  kutsilfai fo leh midang nena inhlat a awm tura inzirtirna kawnga hmalakna pawh ruahman tura tih an ni.

National Directives for COVID-19 management

COVID-19 nena inmil nunphung zawm anih theihna atan rampum huapin National Directives for COVID-19 management chu la hman chhunzawm tur a ni.

November ni 30, 2020 thleng Containment Zone ah chuan inkharkhip khauh taka kalpui chhunzawm tur a ni. 

Containment zone ah chuan November ni 30, 2020 thleng khauh taka inkharkhip kalpui chhunzawm tur a ni a.  Containment zone chu District thuneitute'n hri inkaidarhna thleng chhuchat tura hmalakna angin MoHFW inkaihhruaina thlir chungin micro level-ah a huam chin tur an siam ang a.  Heng containment zone ah te hian inkhuahkhirhna khauh taka kalpui tur a ni a,  nitin khawsak mamawh chauh tihphal a ni ang.  Heng Containment zone-te hi District collector-te leh State/UT te chuan website kaltlangin an tarlang tur a ni a,  MoHFW ah hriattirna an pe bawk tur a ni. 

State-te chuan Containment zone pawnlamah hian tualchhung a inkharkhip an kalpui tur a nilo. 

Containment zone pawnlamah chuan Sorkar laipui rawn hmasa lovin State/UT sorkarte chuan tualchhungah inkharkhip (State/District/Sub-division/city/khaw level)  ah an puang tur a nilo.

Inter-Stata leh state chhung a veivah kawngah inkhuahkhirhna siam tur a nilo. 

Inter-state leh state chhung a mihring veivah leh bungraw phurh kawngah inkhuahkhirhna a awm tur a nilova. Hetiang a chet velna atan hian phalna/pawmpuina/e-permit hranpa lak a ngai lovang. 

Dinhmun derthawng zawkte venhim chungchang

Dinhmun derthawng zawkte - kum 65 chung lam,  natna benvawn nei,  naupai,  leh naupang kum 10 hnuailamte chu inah inkhung a,  tul bik thil leh damdawi inenkawlna kaihhnawihah lo chuan pawnchhuak lo tura rawn an ni. 

Use of AarogyaSetu

AarogyaSetu Mobile Application chu hman chhunzawm zel tura rawn a ni.