Ticker

10/recent/ticker-posts

Gospel singer band thar 'Faktu' hla thar nen

Aizawl | October 1, 2020: Gospel artist mipa thiau panga awmna Band thar 'FAKTU' chuan hla thluk mawi leh an aw nen a in hmeh tak tur, Pi Sangkhumi Pachuau phuah, a thluk an band-in an siam ho ngei mai chu hun reiloteah zoram khawvel-ah leh khawvel pum hmuh theih turin Youtube-ah an pho chhuak dawn ta.



Anni band hian mipui ngaihven an hlawh nghal hle a, video shooting an neih atang hauhvin an hla thar tur hian ngaihven a hlawh nghal a, ngaihthlak chak a rawn zawt tawk te pawh an awm nual tih an mahni hnen atangin kan dawng.

Music video hi Mawitea, RDS shot-in uluk takin a siam mek a, tun atang a reiloteah mipuiten an nghahhlelh ang takin rawn tih chhuah a ni dawn a ni.

An band hi mi panga niin an hmel pawh tunge tih zawh chawp ngai lova Zoram rimawi khawvel a kan lo hriat hlawh tawh vek te an ni a, chung te chu RK Vanlalpeksanga, Mapeka tia mipuiin kan hriat lar, "Fakin zai se' tih rawn larpui em emtu niin, The Kneeling Band member thin JH Lallungmuana, Rebecca Saimawii nen a mawi tak a 'Kan Zan lo`ng' tih lo duet dun tawh, The Kneeling Band member lo ni tawh, Lalremsanga, Bete-a tia hriat lar "Khengbetin" tih hla larpui em emtu, Thazual chart a No.1 lo hauh fo tawh thin,  a zai nun avang a mite duh rawn thin Holy Fire Team soloist Sangzuala Chhangte leh  Zonet Cable TV in Mizo Idol kum 2007 a an buatsaih tum a top 9 lai lo ni tawh B Lalbiakkima BKa tia hriat lar te an ni.

Anni band hian Zoram rimawi khawvel a ti hausa leh sawt tur hi a lawmawm tak zet a ni.
Post i hmuh dan

Post a Comment

0 Comments