COVID 19: Mizoram-ah hripui vang boral awm ta!

Aizawl | October 28, 2020: Mizoram-a hmuhchhuah COVID 19 vanga boral mi pakhat vawiin khan a awm niin thudawnna chuan a tarlang.


Thudawnnain a tarlan danin, COVID 19 vanga boral ta hi Dawrpui South a cheng niin, Zoram Medical College (ZMC) ah a boral niin thu dawn a ni.

Sawrkar thuchhuahin a tarlan danin, Vawiin 28.10.2020 chhun Dar 12 khan vanduaithlak takin Mizoram chhungah COVID19 vanga nunna chan a awm ta. Pu Lalsangkhuma, kum 62, Dawrpui Veng a cheng a ni a. Natna benvawn neisa niin ZMC ICU ah October ni 18 atang khan enkawl a ni.Sorkar SOP angin vui dan tur ruahman a ni ang." 

Ani hi Mizoram chhunga hmuhchhuah leh Mizoram chhunga boral hmasa ber a ni a. Mizoram mi hrim hrim boral chu pakhat a lo awm tawh  a ni.


Heti hian Mizoram-ah hri vei hmuhchhuah tawh zawng zawng hi mi 2607 niin dam tawh mi 2233 an ni a, enkawllai hi mi 373 leh nunna chan mi pakhat an ni mek a ni.

COVID 19 chungchang update HETAH hian kan dah e.

Post a Comment

0 Comments