- Destination North East 2020 thupui atan hian "The Emerging Delightful Destinations" tih hman a ni ang.
- Union Minister Dr. Jitendra Singh chuan COVID-19 hripui leng reh hunah chuan Hmarchhak bial hi India rama khualzin mite leh sumdawngte hiptu hmunpui a rawn nih chhoh dawn a ni a ti.
September 26, 2020: Union Minister for Home Affairs Pu Amit Shah, North Eastern Council Chairman ni bawk chuan "Destination North East-2020" chu naktuk hian virtual medium kaltlang a hawng dawn a. Destination North East hi Ministry of Development of North Eastern Region calendar a hun pawimawh duan chhuah a ni a. He hmalakna hian a tum ber pakhat chu India ram chhung hmundang a Hmarchhak bial chanchin thehdarh leh inlaichinna tha leh nghet zawk siam a ram inpumkhatna tihngheh a ni a. He hunah hian Union Minister of State (Independent Charge), Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space Dr. Jitendra Singh chu khual zahawm a ni ang.
Destination North East 2020 (website link dah a ni) atan hian "The Emerging Delightful Destination" tih chu thupui atana thlan a ni a. Hei hian khualzinte hiptu nghet zawk ni thei tur leh khualzinte tana thlawh chakawma siam tura tourism sector tih hmasawn chu a tum ber niin he programme hian Tourism chu a thlurbing ber a ni a. He hun hman tan ni September ni 27, 2020 hi "World Tourism Day" a ni bawk a ni.
He ni 4 awh tur programme-ah hian State hrang hrangte leh ram bial chhung a tourist spot-te Audio Visual presentation neih a nih dawn bakah State Icon-te leh achiever-te'n thuchah tawite ang sawi ang a, tualchhung entrepreneur langsarte inhmelhriattirnate, handucraft/traditional fashion/&tualchhung product-te phochhuahna virtual exhibition neih a ni bawk ang a. State Chief Minister-te leh Tourism Minister-te hnen atangin special message ngaihthlak a nih dawn bakah state tinte'n an mahni pual a item-te neiin state pariatte culture a hlawma pholang thei tur medley performance te entir a ni bawk ang.
Tunkar tir khan "Destination North East-2020" kutpui hla leh logo chu tlangzarh a lo ni tawh a. Dr. Jitendra Singh chuan Destination North East Kutpui hian kum rei vaklo kalta atang khan India ram hmun hrang hrang a lo fang kual tawh a. Nikum 2019 khan Varanasi atangin New Delhi a India Gate lawns thlengin, hemi hma hian Chandigarh a thleng a, kumin hian virtual-in in tin a thleng dawn a ni a ti a. He kutpui hi Tourism lam chauh anih loh thusawiin organisation-te a bik takin entrepreneur naupang zawkte helai rambial theihna haichhuak duhtute tana sawmna a ni a ti.
Dr. Jitendra Singh chuan Hmarchhak bial chu COVID-19 hripui leng reh hunah chuan India rama khualzin mite tlawh chak ber leh sumdawngte hip tu ber a ni chho dawn tih thusawiin Prime Minister Narendra Modi-an "Vocal for Local" tih thupui hmanga Atmanirbhar Bharat tura sawmna a siam nawr kal/khalh kaltu tur a ni a ti bawk.
"Destination North-East 2020" Kutpui hman tur hi mite'n ramdang pan kher lova tualchhung hmunte tlawh nachang an hriatna tura buatsaih a nih thusawiin Minister chuan ram mipuite hian tualchhung hmunte tlawh a, tualchhung a zin a, zirchian hnathawk tura intiamna an siam a ngai a ni a ti a. Hetianga hmalakna hian tualchhung tourism leh hospitality industry te a tihmasawn dawn a ni a tih bakah Hmarchhak bialte hi corona lakah an him tlangpui a, hei hian khawvel pumhuapin zinmite tan hmun him leh tlawh chakawmah a siam a ni a ti.
Ni 30.09.2020 a kut kharna hunah hian Pu Kiren Rijijju, Union Minister of Youth Affairs and Sports chu khuallian a ni ang a, Pu Rameshwar Teli, Union Minister of State for Food Procession Industries chu khual zahawm a ni thung ang.
Hmarchhak bialin engte nge pek/offer tur a neih:
Eco-tourism - Hmarchhak bial hi wildlife sanctuary/park, ram leilung mawi, tuikhawthla, ramngaw leh a dangah te a hausain passive leh adventure ang zawng pawhin Eco-tourism lamah theihna a nei sang a. He ram bial hian active adventure chi hrang hrang river rafting te, trekking grade leh level hrang hrangte rock climbing, hang gliding leh a dangah te offer tur a nei tha hle a ni.
Culture - Hnam nunphung/culture hi thil pawimawh tak mai a ni a, hmarchhak bial hian selective culture tourist hip theihna a nei a. Tribal heritage leh culture hausa tak leh chi hrang hrang Hmarchhak hian a nghah hle a, hei hi India ram hmundangte nena an danglamna pawh a ni a. Hmarchhak state 8 te hi Arts leh Crafts lamah pawh an hausa hle a, chutihrualin a danglamin a chi hrang a tam hle a. He ram bialah hi chuan hmundang anglo takin handicrafts hi nitin nuna bet tel tlat a ni.
Thil chhinchhiah tlak tak pakhat chu tourism lama hmalakna leh hnam nunphung a kalkawp a, khawltlangin phur taka hma an la hi a ni.
Heritage- Heritage tourism hian helai rambialah hian hma a sawn chak hle a. Participatory approach hmangin khualzinte pawhin thil tihdante thlir mai lova a taka an tih ve theihna tur kawng siamsak thin an ni a, entirnan thingpui huan leh a dangah te.
Religious pilgrimage - He ram bialah hian sakhaw hmun hlui pawimawh leh lar takte a awm nual a, chung hmunte chu sakhaw thila zinte'n an tangkaipui theihna atan national tourism circuits huang chhungah telh an ni.
Sumdawnna - A ram leilung mawina leh outbound business tang chho mek ngaihtuahin Hmarchhak rambial hian business tourism lamah theihna a nei sang hle a. Domestic leh international connectivity te, Hotel changkang te, Convention Centre te, resort ang chi convention facility nei te leh a dangte thang mek hian he sector thanna kawngah hian nasa takin a pui a ni.
- PIB Aizawl
Post a Comment
He post chungchanga i ngaihdan lo sawi ve rawh: