The Story Behind the 'Sweet But Psycho' girl; A nu thattu hmeichhe duhawm chu!

Aizawl | September 11, 2020: Hmeichhe hmeltha leh duhawm tak mai court room-a a nui hmel mawi tak nena court hmachhawntu video chu tunlai hian social media-ah a lar hle a. He video hi 2013 kuma mi tawh niin video ah hian hmeichhe duhawm tak chuan thawmhnaw serthlum rawng inbelin, a kutah kawl buntir a ni a, ni e, he hmeichhia hi tualthah thubuai vanga man a ni.


He hmeichhe duhawm leh hmela pawi sawi lo hmel ta mai hian hian a hmelah pawi tihna emaw pawi a khawih a ni tih hriat theihna tur a tilang hauh lo mai a, chu aiah chuan court a hmachhawn chhung zawng deuh thawh a nui hmel mawi tak ringawt chu hmuh tur a awm thung a ni.

Kum 25 a upa Isabella Guzman hi a nu thah vanga tantir niin, a tir chuan a nu hi  vawi 79 a vit nia hriat ni mahse, a hnu-ah erawh vawi 151 lai a vit nia hriat a ni leh a ni.

Kum 7 liam ta, 2013 ah khan Isabella pawh kum 18 chauh a nih laiin a chungchang hi USA ah chuan hriat leh sawi a ni tawh a, mahse, a hmel pawisawi lo tak leh a thiltih inrem lo lutuk vanga tunhnaia Ava Maxx hla “Sweet but Psycho” nena a video rawn tihlar a nih leh takah hian khawvelin a hre thar leh hnuhnaw a ni.


Thil thleng mak leh rapthlak tak hi Isabella pahrawn Ryan Hoy in police hnenah a report a. Hoy hian bathroom atanga thisen chhuak a hmuhin a hawng a, Isabella hi chemte nen a nu ruang bulah a hmu a, a hnuah a chhuahsan ta niin sawi a ni.

Isabella nu Yun-Mi Hoy ruang hi Police an thlen chuan baseball bat bulah hmuh a ni a, vawi 79 vih niin an hria a, a hmaiah vawi 31 leh a nghawng velah vawi 48 vih niin report a ni a. Mahse, Autopsy report a atan danin vawi 151 ngawt vih a lo ni zawk a ni.


He hmeichhe mak tak hi rilru lam harsatna 'paranoid schizophrenia' a vei a, hemi vang hian a nu thihna-ah mawhphurtu ber hi 'Jail' ah ni lovin 'damdawiin'-ah enkawl a ni thung.

He “Sweet but Psycho” hmeichhia hi tunah chuan Pueblo Psychiatric Hospital, Colorado, (USA) ah enkawl mek a ni.

Source: Tribune NewsMurderpedia.




[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

Post a Comment

He post chungchanga i ngaihdan lo sawi ve rawh:

Previous Post Next Post