Aizawl | September 11, 2020: Mizoram Sawrkar chuan AMC Area-a Essential Commodities dawr hawn chungchangah inkaihhruaina siamin, Aizawl Bawrhsap thuchhuah ang chuan, Veng tinah LLTF te'n Essential Commodities dawr hawn zat tur, hawn tan hun tur leh tum khata dawrtu awm thei zât turte an ruahman dawn a ni.
- Essential Commodities dawrte hi hawn phal a ni a. Amaherawhchu Covid-19 darh zel tur vênna'n Veng tinah LLTF te'n Essential Commodities dawr hawn zat tur, hawn tan hun tur leh tum khata dawrtu awm thei zât turte an lo ruahman ang.
- Essential Commodities dawr hawn phalsakte hi (damdawi dawr tiam lovin) tlai dar 5:00 pm ah khar vek tur a ni.
- Dawrkaite hian hand sanitizer, anmahni dawrtute hman tur dahin Social Distancing an zawm tha tur a ni. Anmahni dawrtute hming, veng, phone number leh an rawn dawr hun ziah luhna Register siamin dawr neitute'n an ziak lut vek tur a ni.
- Dawr nghaktute leh a dawrtu te'n face mask an vuah ngei tur a ni.
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
Post a Comment
He post chungchanga i ngaihdan lo sawi ve rawh: