Sept 24, 2020: Telangana senior police officer pakhat Yelmakuri Narasimha Reddy chu dan piah lam leh a sum lak luh hriat theih sa piah lama hausa lutuka puh a ni. Rs 70 crore hu lai sum leh pai, in leh lo huan ram nei ni a hriat ni a, heng a hausakna te hi chhui chian leh chhui chhuak turin a rualin hmun 25 lai hengah te hian dap a ni : Hyderabad, Warangal, Jangaon, Nalgonda leh Andhra Pradesh a Anantpur ah te a ni.
Official sawi dan chuan ACP Reddy hian heng thil hlu tak tak hi dik lo tak sum hmuhna ațanga neia puh a nih thu an sawi.
Anti-Corruption Bureau (ACB) chuan hemi chungchangah hian sum chhehrelh leh eiruk thu buai hmun hrang hrang an dap hnu hian an ziak lut tawh a, an hmuh danin danin a phalsak a hlawh piah lama a hausakna ₹ 70 crore aia tlem lo nia chhut a ni. Official te sawi dan chuan ACP Yelmakuri Narasimha Reddy hian heng hausakna a neih te hi eirukna leh dik lo leh sum lakluhna rinhlelhawm tak ațanga a neih ni a ngaih a ni. He police officer hi tunah hian Malkajgiri division, Rachakonda police commissionerate hnuaiah a thawk mek a ni. Sorkarin a sum leh pai hlutna a chhut dan chuan ₹ 7.5 crore vel ni a ngaih a ni a, mahse chu chu local market hlutna ang chuan ₹ 70 crore vela ngaih a ni tih, ACB press release chuan a tar lang.
An thu dawn bawhzuiin ACB te chuan hmun 25 a rualin an dap a, an thil hmuh chhuah chu Ananthapur ah leilet 55 acres a zau te, Madhapur ah in hmun 4 hmun ualau țha lai, Cyber Towers bul hnaiah 1,960 sq yards a zau te, Hafeezpet ah in hmun 2 leh commercial G+ 3 building te, in pahnih bakah sum fai ₹ 15 lakh, bank lockers - 2, leh real estate a sumdawnna leh sumdawnna dang te hmuh chhuah a ni. Enfiah leh zawn hna hi chhunzawm mek a la ni a, he thu buai hi chhui chianna kal lai mek a nih thu ACB thu chhuah chuan a tar lang.
HEI VE HI
Hetiang thil hi țawngkam na na na chuan Mizote hian kan haw ber mai lo maw? Țawngkam mai ni lo, a tak taka duh lo ngam, Sorkar leh NGO etc te atan Mizoramah hian neih kan duh ve ang nge, hrawk bawk chung lam hi a tawk tiu teu hleah kan ngai zel rih zawk dawn ?
Source :
NDTV
September 24, 2020
@ 10:59 IST
===24==09==20=
Huna Kawlvawm
Post a Comment
He post chungchanga i ngaihdan lo sawi ve rawh: