MINISTER OF STATE RAILWAYS SURESH ANGADI CHU CORONAVIRUS VANGIN A THI

Sept 24, 2020: Minister of State for Railways Suresh Angadi chu nimin khan Coronavirus vangin New Delhi-ah a thi,kum 65 a upa a ni. Suresh Angadiwas  hi   BJP party  MP  niin  kum 2004, 2009, 2014, 2019 ah te   MP atan Karnataka state Belgavi constituency ațanga thlan tlin a ni tawh.


Suresh Angadi  hian  Covid-19  a vei thu hi  September 11 khan hriat a ni a, a tirah chuan natna lang chhuak lo a ni a, amah ngei pawhin "ka țha e, ngaihtuahawm ka ni lo e" a ti . He mi hnu hian  BJP MP hi   AIIMS Trauma Centre (dedicated COVID-19 facility) ah dah luh a ni a, hetah hian a thi zui ta a ni. 

Suresh Angadi hi Union Cabinet zingah  Coronavirus vanga thi hmasa ber a ni. Karnataka state ațanga Covid-19 vanga MP thi pahnihna a ni, a ni hma hian  BJP Rajya Sabha MP Ashok Gasti chu kar hmasa lam  khan a lo thi tawh bawk a ni. 

Suresh Angadi hi June 1,1955 ah Belagavi District a Koppa khuaah a piang a. Lehkhathiam tak a ni a, Commerce a zir zawh hnuin  law degree  Raja Lakhamgouda Law College ațangin a zo leh bawk. Hei hi duh tawk mai loin heng subject : science, computer science, business administration leh  engineering ah te degree a nei bawk a ni. 

Suresh Angadi hian a nupui leh a fanu pahnih a kalsan a ni. 

TRIBUTES FOR SURESH ANGADI
Suresh Angadi, MP thih thu hriat anih hnu hian Minister te leh party hrang hrang hruaituten an uizia thu an sawi. 

Prime Minister Narendra Modi chuan Suresh Angadi  chu "party tan inpekna danglam tak nei a ni a, Karnataka a party chakna tura thawk rim tak a ni a. Minister inpe zo tak, hna pawh tlin tak a ni a, kil tin ațanga fak leh ngaihsan hlawh a ni. A thi tih ka hriat hian min ti lungngai a, a nupui leh a fate leh a țhian hnai zawng zawng te Pathianin awmpui mawlh teh se," tih thu  PM Modi hian twitter ah Suresh Angadi thlalak nen a tar lang. 

Prime Minister hlui HD Devegowda pawhin   Union Minister of State for Railways leh vawi 4 Belagavi ațanga MP tling tawh Shri. Suresh Angadi thih thu ka hriat hian min țhawngin hreawm ka ti hle mai, nau ang maia ka en a ni a, a awm ta lo chu ka tan chuan channa rapthlak a va ni tehlul em! Kan ram tan hlohna nasa tak a ni,"  a ti. 

Source :

India Today Web desk
September 23, 2020 
@ 21:40 IST

===24==09==20 =
Huna Kawlvawm

Post a Comment

0 Comments