TEACHER'S DAY PUALIN LE: Instead of celebrating my birthday, it would be my proud privilege if September 5th is observed as Teacher's Day



_"Instead of celebrating my birthday, it would be my proud privilege if September 5th is observed as Teacher's Day_".

_S. Radhakrishnan
President of India

Kum 1962 ațangin India lehkhathiam bik leh zirtirtu ropui S. Radhakrisnan pian ni September ni 5 hi Teacher's Day atan hman a ni. S. Radhakrishnan  chanchin tlem azawng in bih thuak teh ang u.




PIAN LEH MURNA :
Sarvepalli Radhakrishnan  hi September 5, 1888 Niyogi Brahmin chhungkua ațangin a lo piang a. A pa chu S. Veeraswami a ni a, a nu hming chu S. Sita a ni. An khua hi Madras state chhunga mi Thirutani a ni a, a pianna khua leh Tirupatti khuaah te a naupan zual hun chu a hmang a, chhungkaw naran ve tak ațanga sei lian a ni.

ZIRNA LAM :
S. Radhakrishnan hi lehkhathiam thei chung chuang leh hratna țha tak a ni a, lehkha azir chhung zawngin merit scholarship a hmu tluan chhuak zak bawk. Science leh Mathematics zir duh hle mahse chhungkaw harsatna avangin a zir thei lo. 

Kum 18 mi lek anihin Madras Christian College ațangin BA Philosophy a zo a, philosophy subject azir chhan pawh hi a laichin hnai he subject zir zo chiah lehkhabu chhawmzui tur a awm vang a ni. Kum 20 mi chauh anih laia MA a zirlaia a thesis pawh lehkhabua chhuah a ni a, amah zirtirtu Dr. Alfred George Hogg chuan "most excellent work" tiin a fak hial a ni.

NUPUI FANAU :
Kum 16 mi lek anih laiin Hindu danin nupui S. Sivakamu a nei a, fanu 5 leh fapa 1 a nei a, a fapa S. Gopal pawh hi historian lar leh hriat hlawh tak a ni.

ZIRTIRTU ROPUI :
S. Radhakrishnan hi kum 21 mi lek anihin Madras Christian College ah Asst. Professor hna kum 1909 khan a zawm a, kum 1918 ah University of Mysore ah Professor a ni. Hetih lai hian khawvel pum huap Philosophy leh Ethics Magazine leh Journal ah article tam tak a ziak bawk.A lehkhabu ziak hmasak ber chu "The Philosophy of Rabindranath Tagore" a ni.

Kum 1921 ah Calcutta University ah Professor leh King George V Chair of Mental Science a thawk leh a, hetih lai hian khawvela mithiam chung chuang te thu sawi tura an sawm țhinna *Hibbert Lecture* Manchester College ah 1929 thu sawi tura sawm a ni a, heta a thu sawi _An idealist View of Life_ chu lehkhabu a chhuahzui a ni.

Kum 1929 ah Manchester College Principal tura sawm a ni a, zirna lama thawh hlawk anih avangin 1931 ah *Knighthood* pek a ni. Governor General of India in *Earl of Willingdon* a pe leh bawk.

India ram Independent hnu khan heng British title ropui hi dah țhain thiamna ațanga a hlawh chhuah Dr. hi a hming bula dah atan a thlang hlen ta zawk a ni.

Andra Pradesh University Vice Chancellor ah 1931-36 ațanga, 1936 ah Spalding professor of Eastern religion and ethics, University of Oxford ah ruat a ni a, All Souls College ah Fellow atan ruat a ni bawk.

1939 ah Pandit Madan Mohan Malviya khan Banaras Hindu University a Vice Chancellor a ai thawk tura a ngen angin January 1948  thleng a thawk. 1937 khan Nobel Prize literature dawng tura nominate a ni a, a hnuah pawh vawi engemaw zat nominate leh a ni a, mak tak maiin a dawng lo.(Nobel Prize controversy, Mahatma Gandhi, Nehru leh India mi dawng tura recommend tam tak dawn loh chhan leh tun thlenga Nobel Committee inchhirna chu ziak rih lo mai ang).

POLITICS LAMAH :
S. Radhakrishnan hian a hun țha zawng zawng deuh thaw zirna (education) tan a inhmang, mahse International level a mi hriat hlawh lehkhathiam anih avangin1931 khan League of Nations Committee for Intellectual Cooperation ah member ah ruat a ni.   UNESCO ah 1946-52 khan India aiawhin a awm a, India Ambassador to Soviet Union ah 1949-52 chhung khan a awm. India ram Vice President hmasa ber niin kum 10 chhung 1952-62 chhung a ni a.1962-67 chhung India President of India a ni leh a, President pahnihna a ni.

TEACHER'S DAY :
India President anih kum 1962 khan a hnuaia zir chhuak tam tak leh a țhianten a pianchampha September 5 chu lawm sak an dil a, S. Radhakrishnan chuan hetiang hian a lo chhang a :

*Ka birthday lawm ai chuan September ni 5 hi Zirtirtute Ni ni se, ka inchhuangin ka hlim ngawt ang*, tiin. Hemi kum ațang hian kum tin Teacher's Day hi September ni 5 ah hman țhin a ni.

CHAWIMAWINA A DAWNTE :

1. Knighthood - 1931
2. Bharat Ratna - 1954
3. Honorary membership of British Royal Order of Merit - 1963.
4. Templeton Prize - 1975

HONORARY DEGREE :
S. Radhakrishnan hian Khawvel University 100 aia tam in Ph. D, Litt. , D. Ph,  D. Sc etc an hlan a, Oxford, Cambridge, Rome, Moscow University te a lar zual an ni.

*TEACHERS SHOULD BE THE BEST MIND IN THE COUNTRY*

-Sarvapalli Radhakrishnan

Source :
The Times of India
The Hindu
The Statesman (9/11/16)

===4===9===19===
Huna Kawlvawm

Post a Comment

0 Comments