Tleirawl hmeltha leh duhawm zet mai, a duhawmna phena a aw mawi taka mi hneh thintu Siampuii Ralte hi i lo hmelhriat ve tawh em?
Guitar nena a zailai video chu mi tam takin an duhin an lawm a, mi tam tak status a mawi a, chu tleirawl, mi status luah thintu ngei chu Siampuii Ralte tia hriat niin, a thiante chuan 'Siampui' tiin an ko thin.
Siampuii Ralte hi a hming pum chu R Lalsiampuii niin, R Lalremruata leh Lalhruaikimi Royte te fanu niin May 29, 2003 khan a lo piang a. Unau pathum zinga naupang ber niin, Nuta pakhat, an upa ber hi an nei a ni.
Sihpir khua niin, Sihphir dam vengah chengin an khawsa a, Prebyterian Kohhran-ah an lawi a. Kumin khan MBSE hnauiah Synod Higher Secondary School, Aizawl atangin pawl 10 a pass a, tunah hian he sikul-ah vek hian pawl 11 (Arts) a zir mek a ni.
'Zai leh music lam leh thian kawm' hi a nuam tih zawng niin, "Zai hi nuam ka ti hrim hrim a, guitar ka hmuh tawh chuan ka zai nghal chawt zel mai" tiin EXPLOREMIZORAM.COM a hrilh.
A duhzawng hrang hrangte:-
Lehkhabu duh: Bible
Actor/actress: Rowan Atkinson
Zaithiam: Freddie Mercury & Jessie J
Chawhmeh: Alu
Hla: hla hi chu duh bik tak ka nei lo a, ka hun tawn a zir zelin eng hla pawh nalh ka ti
Hmun: kan in
Ziaktu: Mafaa Hauhnar
Model: Miranda Kerr
Relationship Status: Single
Kawppui atana duhzawng: Pathian tih mi, talented tak, sâng, mi hawihhawm, thil nachâng hria leh mi zahawm.
Hla recording a tih ve nual tawh thu sawiin, "mahse, phochhuah tur ang em em ni lovin, mahni a kawl ve mai mai atan," tiin a chhanna a titawp thung.
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
(Website leh a hnuaia fakna hi lo hmet ve rawh.)
keep shining siampuii
ReplyDeletePost a Comment
He post chungchanga i ngaihdan lo sawi ve rawh: