Sept 09, 2020: Coronavirus lockdown avangin School & colleges te chu ram pumah March thla tawp lam ațangin khar a la ni vek a, hemi avang hian zirlai tam takin zirna hun țha an hloh a, Sorkar hotuten zirlai leh naupang dam leh hriselna an ngaih pawimawh miau si a, hetih hun chhung hian a ngaihna tak a awm lo a ni ber mai. Nimin Thawhlehni September 8, 2020 khan Ministry of Health and Family Welfare chuan containment zone in a huam loh hmuna zirna in a pangngai ang ni lo, a țhen a zar hawn theih dan tur (partial opening) kaihhruaina a ti chhuak ta.
Coronavirus hri țaidarh dan hian lam ziaawm lam ala pan theih chuang lo a, chutih lai chuan India ram chuan Inthlahdul thawh lina (Unlock 4.0.) a kalpui țan mek a, hemi ang chuan bus, trains, metros, te pawh dan pangngai ang chiah lo deuhin mihring inhlatna vawng chung siin vei vah tir țan a ni a, sakhaw biakna hmun pawh hawn phal țan a ni. Hetianga thla 5 pum hlum tap zirna in zawng zawngte khar anih hnua zirna chhunzawm theih dan tur a puang ta a ni.
Amaherawhchu, tun dinhmuna India ram pum Coronavirus hri kai dan dinhmun en hian ziaawm lam aiin nitin hri kaiin pun lam ala pan chhoh mek avangin Central Sorkar chuan school & college te chu a pangngai ang September 30 thleng hawn rih loh phawtna tur thu pek a chhuah tawh a. Unlock 4.0 inkaihhruaina ah hian September thla ațanga zirna in hawn phal anih ngei tawh beisei anih laiin September 21 hnu lamah pawl 11 & 12 zirlaite chuan an zirlaia an harsatna tawh leh zawh fiah ngai te zawt turin school an tlawh thei tawh ang tih chauh a la puang a, chu pawh anmahni duhthlannaah a innghat ang tih a ni.
Nimin Thawhlehnia ministry of health and family welfare in guidelines a siam ta a, a tlangpui chu hetiang hi a ni.
SCHOOL HAWN DAN TUR CHU:
Ministry of Health and Family Welfare chuan a tahtawla zirna school & college hawn dan tur ruahmanna a siam a, hri tai darh avanga inkhuahkhirhna hman mek (containment zone) huam ve lohna laiah chuan September 21 ațangin school & college hawn theih a nih tur thu nimin Thawhlehni khan Health Ministry chuan thu chhuah a siam.
🗓️ Class 9 ațanga 12 te chu anmahni duh thu leh duhthlanna (voluntary basis) a ni. School kai ngei tura tihluih loh tur a ni.
🗓️ Hri kai tamna lai (containment zone) a zirlaite, zirtirtute leh staff te erawhchu school kal hi phalsak loh tur a ni.
🗓️ School luh țan hmain school leh a chhehvel, zirtirna hmun, chet tlatna leh laboratory te chu sodium hypochlorite solution 1% hmanga kah thianghlim hmasak vek tur a ni. Standard Operating Procedure (SOP) Health Ministry in a tihchhuhin a phut angin mihringin khawih leh vawn zin ngai lai te phei chu uluk bik tur a ni.
🗓️ Naupang hming lam chungchang pawh duha tih duh loh chuan tih loh ( voluntary) a ni tur a ni.
🗓️ Online class kalpui tho tur a ni
🗓️ School kalte chuan hmai an tuam ngei tur a ni.
🗓️ Nu leh pa hnen ațangin ziaka school kal remti hna an nei tur a ni.
🗓️ Sports leh inhmuhkhawm lam thil tih phal a ni lo.
🗓️ School luh leh chhuahna (all entry points) ah te sanitizer leh khawsik - enna thermal screening) a awm tur a ni.
🗓️ Feet 6 a inkar hlatin zirlaite chu an awm tur a ni, chutiang hriat theihna tur chu school in staff room, office, library leh canteen leh classroom ah te chhinchhiahna a rin fel vek tur a ni.
🗓️ School hawn leh hnu hian morning assembly room chhung leh school tualah te neih phal a ni lo.
🗓️ Zirlai zingah note bu, leh hmanraw dang reng reng inhawh chhawn leh țhiante ta hman phal a ni lo.
Hetianga School hawn theih dan tur ruahmanna a awm tak avang hian state tam takin inkaihhruaina in a sawi ang dungzuia school & college hawn dan tur ruahmanna siam zui chu an mawhphurhna a ni ang.
See the detail guidelines PDF copy.
Source :
DNA Web Team
September 08, 2020
@ 12:21 PM IST
Indian Express
September 09, 2020
@ 8:56 AM IST
====09==09==20==
Huna Kawlvawm
Post a Comment
He post chungchanga i ngaihdan lo sawi ve rawh: