Rajya Sabha MP in Union Sports minister hnenah Mizoram mamawh thlen

Aizawl | September 25, 2020: Delhi a cham mek Mizoram MP(R.S) K Vanlalvena chuan nimin September ni 24 tlai dar 5.30 khan Union Sports Minister Pu Kiren Rijiju chu a chenna inah hmu in Mizoram tan thil pawimawh tak tak pali a thlen.


Pu Vena chuan Mizo footballer Jeje Lalpekhlua chu infiammite chawimawina Arjuna Award dawng tura vawi eng emaw zat nominate a ni tawh chunga he Award dawng tura thlan a ni ngai lo chu a hriatthiam loh thu Union Sports Minister hnenah hian a sawi chhuak a. India ram tan leh a khelhna club hrang hrang tana Jeje an hlawhtlinna a neih te leh a thawh hlawk dan te ziakin Minister hnenah hian a thlen a. Hun lo kal turah ram tana a hnathawh ropui tak avangin Jeje Lalpekhlua hi India sawrkar in a phu ang ngeia chawimawina a pek tawh a beisei thu a sawi a ni.

Pu Vena chuan Mizoram ah Archery Training Centre dah tur te; kum 2028 Olympic lo awm tur atana inbuatsaih mek Mizoram Taekowndo Association hnenah an mamawh infiamna hmanrua leh facility tha zawk pe tur te; Sports Authority of India(SAI) Mizoram chu SAI, Manipur kut atanga dah chhuak a SAI, Assam hnuaia dah tawh zawk tur te in Union Sports Minister hnenah hian a thlen bawk a ni.

Post a Comment

He post chungchanga i ngaihdan lo sawi ve rawh:

Previous Post Next Post