CBDT-in Faceless Appeals - Honoring The Honest a hawng

Sept 25, 2020: Income Tax Department chuan Faceless Income Tax Appeals a hawng a.  Faceless Appeals hnuaiah hian Income Tax appeal te chu inbumna lian tham kaihhnawih, chhiahawl ruk tumna,  sensitive leh search matter,  international tax leh Black Money Act kaihhnawih tihlohah chuan hmel inlan kher ngai lovin a chingfel thin dawn a. Hemi chungchanga Gazette notification tul angte chu vawiin khan tihchhuah a ni.

PM zahawmtak chuan August ni 13, 2020 khan "Transparent Taxation - Honoring the Honest" platform a hawng a,  Faceless Assessment leh Taxpayers' Charter  te hi hemi platform zing a tel hi a ni a.  Faceless Appeals hi Pt. Deen Dayal Upadhayay piancham pualin september ni 25, 2020 hian hawn a ni a.  Tun kum rei vaklo kalta atang khan Income Tax Department chuan Tax process-te awlsam zawk a kalpui anih theihna atan leh tax petute tana awlsam zawk a zawm theih turin Direct Tax kaihhnawihah reform engemawzat a lo kalpui tawh a ni.

Faceless Appeals hnuaiah hian tun atang chuan income tax appeal zawng zawng, appeal e-allocation atanga notice/questionnaire e-communication,  e-verification/e-enquiry,  e-hearing leh appellate order e-communication thlengin,  appeal process pumpui hi online a tih tawh tur a ni dawn a, appellant leh Department inkara hmaichhan a indawr ngai lova kalpui a ni ang a.  Chhiahpetute emaw an counsel te emaw leh Income Tax Department tan hmaichhana indawr kher a ngai tawh dawn lova.  Chhiahpetute chuan an inlum atangin appeal an thehluh thei ang a,  hei hian hun leh tha leh sum a ti hek dawn lo a ni.

Faceless Appeals system hian dynamic jurisdiction hnuaia Data Analytics leh AI kaltlang a case allocation-te pawh a huam tel a.  Dynamic jurisdiction a central issuances of notices hian Document Identification Number (DIN)  a nei dawn a.  Dynamic jurisdiction peng khat angin draft appellate order chu khawpui pakhat atang a buatsaih a ni ang a, hei hi khawpui dang daihah pawh ennawn theih a ni dawn a,  he hmalakna hian objective,  fair leh just order a thlen thei dawn a ni.  Faceless Appeal hian chhiahpetute tan chauh awlsamna hi a thlen dawn lova,  thu sawi buai leh inkhin chhunzawmna titlem turin appeal order just leh fair a awm tir thei dawn a.  He kalphung thar hian Income Tax Department tan kalphung mumal zawk,  langtlang zawk leh ringtlak zawk a awm tir dawn a ni.

CBDT data ang chuan vawiin ni thleng hian Department a Commissioner (Appeals)  level-ah appeal nuai 4.6 dawn lai a inchhek khawl mek a.  Hemi zing a appeal nuai 4.05, appeal awm zawng zawng atang a 88% vel chu Faceleas Appeal hmang a chinfel a ni dawn a.  Hemi chinfelna atan hian commissioners (Appeals)  chuan a theihna 85% dawn lai chu Faceless Appeal mechanism hnuai-ah hian appeal chinfelna atan a hman a ngai dawn a ni..

- PIB Aizawl