FEATURING: Govt Saiha College Lady of the Year 2020 NT Genevieve

Govt Saiha College Lady of the Year 2020 NT Genevieve hi lo hmelhriat ve rawh.

NT Genevieve  hi a thianre chuan Nunu, Jen emaw Genevieve emaw  te in an ko thin a. NT Thanaela(L) leh J Eleti(L) fanu niin, January 17, 1997 khan a lo piang. Tuipui Ferry (siaha district) khua niin, tunah hian Vaihpi 2 , Siaha-ah chengin an khawsa.

 

NT Genevieve Unau pali zinga upa ber niin nau hmeichhia pahnih leh mipa pakhat a nei a.  Evangelical Church of Maraland (ECM) kohhran a lawi an ni.

Zirna lamah NT Genevieve  hian Pawl 10 hi kum 2015 khan ECM school atangin 1st ah a pass a. 2017 khan Helen Lowry HSS atangin Class 12 science- 2nd ah a pass leh a. Tunah hian B.A (economic) lain Government Saiha College, Siaha ah 6th sem a exam ve mek a ni.

Hobby: Music ngaihthlak leh zai bakah thiante nena lenchhuah leh zin chhuah.




A duhzawnghrang hrangte:-
Lehkhabu: Nunkawng tha ber 
Ziaktu: Joel Osteen
Actor /Actress: Angelina Jolie leh Shah Rukh khan
Zaithiam: Pency B Lalthangliani
Chawhmeh: Baithak leh Alu
Hla: Isua nen chuan
Hmun: Kan in
Rawng: a sen leh var

Mize ngainat zawng: Mi rinawm leh inngaitlawm, mi dang tana inpe zo tak mi.

Mize ngainat lo zawng: Mi sawichhe hmang, chapo, mi hmuhsit ching leh, lehlama awrdum lehlama awr sen ang chi.


Relationship status: Single 😂

Kawppui tura duhzawng?
- A hmasa berah chuan ka hnampui zohnahthlak ngei nise, mi rinawm, hmangaihna, khawngaihna leh hriatthiamna ngah, hlim thei leh mi tihlim thintu.


Aim in life: Entrepreneur

 

Govt Siaha College Lady thlanna a tel chhan?
- Thianten min duhsakna zarah tling lo tak chungin ka tel a ni.

Govt Siaha College Lady hi i nih i ring reng em?
- Govt Siaha College Lady a thlan ka ni hi ka tan chuan a sangin a ropui tak zet a. Hmel leh pumrua, thiamna lamah ka thian te ka phak lo em em a, chuvangin tun dinhmun hi ka thlen ka ring ngai lo. Pathian leh ka thian te vang liau liau a ni.

Govt Siaha College Lady in i nuna nghawng a neih ?
- In rintawkna leh huaisen min neih tir.

Modelling lam hi i tui em?
-  😂😂 ka tui lem lo

Govt Siaha College Lady thlan dan tlangpui?
- Kumin chu Kan boruakin a zir loh avangin nomination siamin vote hmangin kan inthlang mai.

 

Zawhna dang:
1. A tel lova i awm theih loh: Boruak
2. I nun kaihruaitu: Baibul (Bible)
3. Hringnuna i hlauh ber: Beidawnna
4. I tih ngai miah loh tur: Mi anchhe lawh
5. Mizo tualzal nuna tha i tih: Tlawmngaihna leh aia upa zah

6. Quote i duh ber:
Thufingte 3:5  "I thinlung zawng zawngin Lalpa ring la, Nangmah hriatnaah inghat suh."

7. Mizoram leh Mizo tualzal nuna Mizo hmeichhiate dinhmun:
- Mizo hmeichhia te hi hmanlai nena tehkhin chuan kan dinhmun a sang tawh hle a. Zirna lamah a ni emaw infiamna lamah pawh nise mipa tam tak aiin kan thlen chin a sang tawh a, kut hnathawh-ah te Sawrkar office ah te zirna inah te pawh nise a tam zawk hi hmeichhiate kan nia, hei hian hmeichhe dinhmun san tawh ziah a tilang a. Mahse, chutih rual chuan hmeithai, pasal then leh pasal nei lova fa nei te hi kan chhaih nawmnahin hmuh hniamna rilru a la awm a, tin, hmeichhe dinhmun rap tleu te hmuhsitna te a la tam a,  hei hi reh thei se a duhawm hle a ni.

8. Hnam hmingthat leh hmingchhiat kawngah Hmeichhiate'n mawhphurhna:
- Pasal neih chungchangah te hnam dang bula kan khawsak  danah te leh zirna lama hmasawnna te hi a ni.

9. Hman ziarang chawinun kawnga Hmeichhiate mawhphurhna:
- Mahni tawng leh hnam zahpui loha ngaihlu tura kan fate zirtir.

 

10. Mizote tan 'Fa neih tlem' inzirtir hi a tulin i hria em?
- Thenkhatin fa neih chaka sum leh pai senga hmunpui hial pana fa nei thei lo an awm laia a neih theih reng si, neih tlem tura inzirtir hi chu tha ka ti lem lo, fa neih theih hi Pathian malsawmna liau liau a ni a, nu leh naute tan harsatna a awm te a nih lo chuan kan chhungkaw dinhmun thlir chunga ruahmanna mumal tak nen fa neih hi tha ka ti. Tin, India ram pum huapa thlirin Mizo te hi kan la tlem hle a, chuvangin ram hmasawnna tur leh chimral a kan awm loh nan fa neih tam hi tha ka ti.

11. Mizo hnam thanmawh bawk nia i hriat?
- Thawhchhuah neih silo, nu leh pa rinchhana thawmhnaw man to tak tak inbel te, Bike manto tak neih te, tum mumal neih loa tei hawi vel mai mai, kut hnahthawh thil zahthlaka ngai thalai kan tam tawh em avang tein leh ngaihsan tur dik kan ngaihsan loh avang tein.

12. Mizo hnam damna atana kawng awm nia i hriatte?
- Kan hnam leh tawng ngaihlua, kan hnam tih dan leh kalphung te khawi hmunah pawh awmin zahpui loa  chawmnung zel hi a ni.

13. Hnam chhan nana Hmeichhiate tangkaina leh mawhphurhna?
- Mahni hnampui, zo hnahthlak ngei mai pasala neih hi a ni.

14. Zirna, khawtlang leh kohhran hi?
- Zirna, khawtlang leh kohhran hi mitin tana pawimawh tak a ni a, kawngdika min kaihruiatu anni, amaherawhchu zirlai kan nih chuan khawtlang leh kohhranna in hman dan tawk thiam hi apawihmawh khawp mai,zirna ngaihthah thak khawpa khawtlang leh kohhrana inhman hi atha ber khei lo,zirlai kan nih chuan kan duty hmasa ber chu lehkha zir hi a ni.

15. Khwwtlang ,kohhran leh nangmah :
- Khawtlang leh kohhranah hian ka theih ang tawkin ka inhmang ve thin a, mahse sawi tawh ang khan zirlai nih chuan inhman tam hi atheih loa ,ka zirna ka dah pawimawh hmasa bera ti chuan khawtlang leh kohhranah ka inhmang chauh thin

16. Social media leh Nangmah :
- Social media hi mi tam tak angin ka hmang tangkai ve em em a,fb , Instagram leh whatapp tehi ka khawih ve thina mahse ka zirna leh nunphung tibuai  pha tur em chuan ka khawi nasa lem lo.

17. Mizoram thalai tam tak tlakchham:
- Taimakna leh tum mumal neih loh

18. Mizo thalai te hian ngaihsan tur dik an ngaisangin i hria em?
- Mizo thalai atam zawk hi chuan ngaihsan tur dik kan ngaisangin ka hrelo, hnamdang zaithiam emaw infiam mi emaw kan ngaisanga , atha lutuk mase an tun dinhmun thleng theih tura an thawhrimna te taimakna te lam nilo in,an thawnhnaw inbel danah te leh an hairstyle ah ringawt te hian kan
ngaisang hlur thin hi a ni.

19. Ngaihsan tur dik nia i hriat:
Keimaha  danglamna  thlen theih tur khawpa mi entawntlak, taima leh thil tuma chiang.

20. Hlawhtlinna tura pawimawh:
- Suangtuahna sang tak neiha chu suangtuahna chu a taka chantira ,taimakna leh beidawng lova theihtawp chhuah a bawhzui hi a ni.

21. Hloh i hlauh ber:
- Ka hmangaih te

22. Zo hnam inpumkhatna hi a thlen theih i ring em?
- Pathianah innghatin amah kan rin tlat a, kan tawng te, kan hnam nunphung leh tih dan te kan chhawm nun zel chuan englai pawhin hnam inpumkhatna hi a thleng thei rengin ka ring a ni.

 


EXPLOREMIZORAM.COM i hmuh dan:
EXPLOREMIZORAM.COM hi ka hmelhriatna a rei ve tawh a, belhchian a dawlin a bengvarthlak tak zet. A kal leh zelna turah hmasawnna leh hlawhtlinna tha tak chang zel turin duhsakna sang ber ka hlan nghal bawk.


H Zate
Founder/Editor
Explore Mizoram







(Website leh a hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

  1. A phu hliah2😍..Kan kal ve lai pawh a nungchang mawi ka tih em2 thin kha ani tlat.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post