MZP in Mizoram State Teachers Award 2020 dawngtute chawimawi

Aizawl | September 8, 2020: MZP General Headquarters, Aizawl chuan September 5, 2020(Inrinni) chawhnu dar 1:00 khan MZP Pisa Pui Treasury Square-ah Zirtirtute Ni pual programme tawi a hmang a. He hun hi Pu Peter Chhangte, Vice President chuan a kaihruai a. He hunah hian Mizoram State Teachers Award 2020 dawngtu mi pathum hnenah Chawimawina thuziak hlan an ni.
MZP chuan Zirtirtute Ni ah hian zirtirtute chu duhsakna a hlan rualin mahni hnaa rinawm taka thawk turte, thahnem ngai leh zuala zirlaite thiamna tak tak paw chhuak tura zirtir hna thawk turin a beisei a. Chawimawi tlak zirtirtu tun aia thahnem zawk kan awm zel theihna turin zirtirtute tan la sauh sauh turin a sawm a. Zirlaite hi ram leh hnam rohlu an ni a, ram leh hnam  tana mi chhenfakawm zirtir chhuak zel turin zirtirtute a beisei tak meuh meuh a ni.
MZP chuan Mizoram State Teachers Award 2020 dawngtu, a chawimawi te chu heng te hi an ni :
1) High School Section - Pi Vanlalhliri Sailo, Headmistress, Govt. Hnahthial High School, Hnahthial
2) Middle School Section - Pu Malsawma Sailo, Headmaster, Govt. Garden Middle School, Rahsi Veng, Lunglei
3) Primary School  Section - Pu R. Lalpianthanga, Teacher, Govt. Chawnpui Primary School, Aizawl

Post a Comment

0 Comments